رێژه‌كا زۆر یا تەمەرھندێ ھاتە ژناڤبرن
ئەڤرۆ نیوز، عەلی حاجی:
چاڤدێریا بازرگانی ل زاخۆ راگه‌هاند كو زێدەتری 9 تەنێن تەمەرھندا وەلاتێ تایلەند ژناڤبرن ، پشتی دیار بویی ئەو تەمەرھندە ب کێر خوارنێ ناھێت ، ژناڤبرنا وێ ژی ل سەر داخوازیا بازرگانی ب خوە بویە .
جەگەرخوین عەبدولا بەرپرسێ چاڤدێریا بازرگانی ل زاخۆ بۆ ئەڤرۆ نیوز ئاشکەرا کر بازرگانەکێ تەمەرھندا تایلەندی ، ب رێیا نڤێسارەکێ داخاز ژ مە کر کو ئەم ژمارەیەکا تەمەرھندا وی ژناڤ ببەین ، ژبەر کو ئێدی ب کێر خوارنێ ناھێت ، لەورا ئێکسەر تیمێن مە دەست ب سەر وێ تەمەرھندێ دا گرتن کود بونە نەە تەن و 630 کێلوگرام ، ھەر چەندە ماوەیێ ئێکسپایەر بونا وێ نێزیکی ھەیڤەکێ مابوو ، بەلێ دکوگەھان ڤە خراب ببوو ، لەورا ئەم نەچار ماین وێ رێژەیێ ب سوژین و ژناڤ ببەین ، خراب بونا وێ ژی ژبەر وێ چەندێ بو دماوەیێ ھەیڤا رەمەزانێ دا داخوازیا ھاولاتیان ل سەر کرینا وێ کێم ببوو .
