رێژین ئه‌حمه‌د: راگه‌هاندنێ ئه‌ز گه‌هاندمه ئاسته‌كی كو د ژیانا خوه دا من نه‌دیت بوو
دهۆك، هه‌رهین محه‌مه‌د:
رێژین ئه‌حمه‌د، په‌یامنێرا كه‌نالێ وار یێ ئاسمانی، د دیداره‌كێ دا بۆ رۆژناما ئه‌ڤرۆ گۆت: هه‌ر كاره‌كێ مرۆڤ بكه‌ت زه‌حمه‌ت و خۆشیا خوه هه‌یه، به‌رامبه‌ر ژی ده‌ستكه‌فت و قوربانیا خوه هه‌نه، راگه‌هاندنێ ئه‌ز گه‌هاندمه ئاسته‌كی كو د ژیانا خوه دا من نه‌دیت بوو، كاره‌كێ مه‌زن و سه‌ربۆره‌كا پری مفا و نیاسینا هه‌موو خه‌لكی و گه‌له‌ك جاران ژی بێزار بوون دا من و دراگه‌هاندنێ دا تۆ نه‌شێی به‌حسێ هندێ بكه‌ی كو ژلایێ مادی ڤه باشه، یان به‌رنیاس بوونه و هه‌كه جوداهیێ بكه‌م د ناڤبه‌را هه‌ردویان دا به‌رنیاس بوونه‌كا مه‌زن دایه من، به‌لێ چ ده‌زگه‌هێن راگه‌هاندنێ مال بابا مرۆڤی نینه كو هه‌تا هه‌بی لێ كاربكه‌ی و ل گه‌ل هندێ مه هه‌موو ده‌مان راگه‌هاندكار نوویاتیان بكه‌ت، دیسان كاری ل سه‌ر هندێ بكه‌ت رۆژانه پێزانێن نوو ب ده‌ست خوه‌ڤه بینیت بكه‌ت و هه‌كه جهه‌ك بۆ وی نه‌خۆش بوو، ده‌لیڤه بۆ هات بۆ بلا بچیت، به‌لێ گه‌له‌ك جاران كاودانێن وی بڕیارێ ل سه‌ر دده‌ن، یان سیاسه‌تا كه‌نالی.
رێژینێ گۆت: ده‌مه‌كێ درێژه ئه‌ز دراگه‌هاندنێ دا كاردكه‌م و دشێم بێژم راگه‌هاندنێ هه‌موو ده‌مێ من بریه، به‌لی َگومان تێدا نینه ئه‌ز گه‌له‌ك دخوینم و دنڤیسم، ئه‌ز چه‌ند سالان ل كه‌نالێ وار بووم من گه‌له‌ك كاردكرن، به‌لێ ده‌مێ ره‌وشا من یا ساخله‌می تێكچووی بۆ ده‌مێ پێنچ هه‌یڤان ژ راگه‌هاندنێ دووركه‌فتم و من ده‌ست ژ كاركێشانا خوه ئاراسته‌ی وار كربو، پشتی ره‌وشا من باش بووی كه‌نالێ كوردستان 24 ب خۆشحالی ڤه ئه‌ز وه‌رگرتم و پشتی چار سالێن كاركرنێ ب رازیبوونا هه‌ردو لایان نه‌مامه ل وێرێ، ژبه‌ركو كه‌نالێ وار مالا منه و هه‌موو هه‌ڤكارێن من ل وێرێ بوون و ب خۆشحالی ڤه زڤریم و نوكه یا به‌رده‌وامم.