رێژەیا كەسكاتیێ ل ئاكرێ بۆ 35% دهێتە زێدەكرن
ئاكرێ، رەمەزان زەكەریا:
ل سنوورێ باژێرڤانیا ئاكرێ هەژمارەكا پاركان هاتینە دروستكرن، بەلێ ژ بەر كێمیا ئاڤێ و نەبوونا كارمەندان بۆ چاڤدێریا وان پاركان كاركرن تێدا هاتیە راوەستاندن و نوكە ب تنێ سێ پارك هەنە ووەلاتی مفای ژێ دبینن.
بلند رەزا، سەرۆكێ باژێرڤانیا ئاكرێ بۆ ئەڤرۆ گۆت: «ل سنوورێ باژێرڤانیا ئاكرێ ل گورەی ستاندارێ جیهانی پێدڤیە ڕێژەیا كەسكاتیێ یا جهێن ئاكنجیبوونێ 25% بیت، بەلێ ژ بەركو ئاكرێ دەڤەرەكا چیایە، لەورا د نەخشەی دا ب جهێن كەسكاتی هاتیە تۆماركرن».
گوتژی: «ژبلی سنوورێ باژێرڤانیا ئاكرێ رێژەیا كەساكاتیێ 30% هاتیە تۆماركرن، ڕێژەیا 4% ژی بۆ دارستان و چاندنا داران هاتیە دابینكرن و ب ئەڤی ڕەنگی ڕێژەیا كەسكاتیێ ل ئاكرێ دگەهیتە 35%».
سەرۆكێ باژێرڤانیا ئاكرێ خویا كر، ل دەڤەرداریا ئاكرێ 19 پاركێن بێهنڤەدانێ هەنە، ژ ئەوان پاركان ژی ب تنێ سێ پارك هاتینە دروستكرن و د خزمەتا وەلاتیان دانە، ئەو پاركێن دی ژی ژ بەر نەبوونا ئاڤێ ل سنوورێ باژێرڤانیێ و نەبوونا كارمەندێن چاڤدێریێ و شیانێن دارایی هاتینە ڕاوەستاندن، هەر دەمێ شیانێن دارایی باشتر بوون ئەو پارك ژی دێ هێنە دروستكرن و سەخبێركرن.
