رێژەیەکا مەزن ژ کوردان دێ دەنگێ خوە دەنە ئیمام ئۆغلۆی
چەندین کۆمپانیێن راپرسیا ل تورکیا دیار کرینە، د ئەنجاما راپرسیێن وان دا ئاشکرا بوویە نێزیکی ٤٠٪ ژ دەنگدەرێن کورد ل ئستەنبولێ دێ دەنگێ خوە دەنە ئەکرەم ئیمام ئۆغلۆ بەربژارێ پارتا کۆماری بۆ سەرۆکاتیا باژێرڤانیا ئستەنبولێ و ئەو یەک دێ شانسێ ئیمام ئۆغلۆی بۆ سەرکەفتنێ زێدەتر لێ کەت.
چاڤدێرێن سیاسی ژی دیار دکەن، بەری نها کوردان پشتەڤانی ل ئیمام ئۆغلۆی کر، لێ وی چو بۆ کوردان نەکر، باشترە ڤێجارێ کورد پشتەڤانیێ ل بەربژارێ خوە بکەن و دەنگێ خوە نەدەنە ئەکرەم ئیمام ئۆغلۆی، چونکی ئیمام ئۆغلۆ بەربژارێ پارتا کۆماری یە و وێ پارتێ هەتا نها ژی چو بۆ کوردان نەکریە و ل دژی مافێن رەوا یێن گەلێ کوردە و نابیت کورد دەنگێ خوە بدەنە بەربژارێ وێ پارتێ.
