رێڤه‌به‌را مه‌شق و راهێنانێ: گه‌له‌ك جه مایتێكرنێ دكارێ مه‌دا دكه‌ن ده‌مێ ب په‌یوه‌ندیێ مووله‌تێ بۆ پشكداربوویێن خولێ وه‌ردگرن
ئه‌ڤرۆ، سالار دۆسكی:
رێڤه‌به‌را مه‌شق و راهێنانێ ل پارێزگه‌ها دهۆكێ ئاشكراكر كو وه‌رگرتنا رازیبوونێ ل سه‌ر ڤه‌كرنا خولان ژ هه‌ر دو وه‌زاره‌تێن په‌روه‌ردێ ودارایی و ئابووری گرفت بۆ كاری دروستكرینه و گه‌له‌ك گیرودبن، زێده‌باری مایتێكرنا گه‌له‌ك جهان ل سه‌ر وه‌رگرتنا مووله‌تان بۆ پشكداربوویێن خولان.
خانم ئاواز ئه‌حمه‌د مه‌حمود، رێڤه‌به‌را مه‌شق و راهێنانێ سه‌ر ب رێڤه‌به‌ریا گشتی یا په‌ره‌ردێ ل پارێزه‌ها دهۆكێ ڤه بۆ رۆژناما ئه‌ڤرۆ گۆت: رێڤه‌به‌ریا مه‌شق و راهێنانێ ژ (27) فه‌رمانبه‌ران پێك دهێت، ل گه‌ل (12) راهێنه‌ران كو (4) ئافره‌تن و (8) زه‌لامن، رێڤه‌به‌ریا مه‌شق و راهێنانێ چیه؟ و چ كار دكه‌ت و سه‌ر ب چ رێڤه‌به‌ری یه و رۆژانه ئه‌ڤ پرسیارا ژ من دهێته‌كرن، بۆ پتر شرۆڤه‌كرنا بابه‌تی دشێن پێناسه‌كێ بده‌ینه رێڤه‌به‌ریا مه‌شق و راهێنانێ، رێڤه‌به‌ریه‌كه سه‌ر ب رێڤه‌به‌ریا گشتی یا په‌روه‌ردا دهۆكێ ڤه وه‌ك هه‌ر رێڤه‌به‌ریه‌كا دی و لدور كارێ وێ ڤه‌كرنا خولێن جوره و جور بۆ كه‌سانێن په‌روه‌رده‌ی وه‌ك سه‌رپه‌رشتیار و رێڤه‌به‌رێن قوتابخانا و هاریكار و مامۆستان هه‌تا فه‌رمانبه‌ررێن سه‌ر ب رێڤه‌به‌ریا په‌روه‌ردێ ڤه گرێدایی ژ بۆ بلندكرن و بهێزكرنا ئاستێ وانه وانته دشێن بێژین رێڤه‌به‌ریا مه‌شق و راهێنانێ رێڤه‌به‌ریه‌ك بۆ ئاڤاكرنا شیانێن مامۆستایان.
ل دور كاری ژی، خانم ئاوازێ گۆت: دور جورێن خولان ل رێڤه‌به‌ریێ به‌رده‌وام دهێنه‌ڤه‌كرن، خولێن پشته‌ڤانی ژلایێ رێكخراوان ڤه بۆ دهێته‌كرن و خولێن پشته‌ڤانی ژلایێ رێ؟ه‌به‌ریا گشتی و وه‌زاره‌تا په‌وه‌ردێ ڤه لێ دهێته‌كرن هه‌مان ده‌م هه‌ر خوله‌كا بهێته‌ڤه‌كرن ل رێڤه‌به‌ریا مه‌شق و راهێنانێ پێدڤی یه ژ ده‌سپێكێ رازیبوونا رێڤه‌به‌ریا گشتی یا په‌روه‌ردا دهۆكێ وه‌ربگرین ، دووڤ دا ب نڤیسار بۆ رێڤه‌به‌ریا گشتی یا مه‌شق و راهێنانێ ل هه‌ولێرێ وه‌ربگرین ب رێكا وان دگه‌هیته وه‌زاره‌تا په‌روه‌ردێ و ده‌مێ رازیوبون ل سه‌ر دهێته‌كرن بۆ وه‌زاره‌تا دارایی دهێته بلندكرن و لدووڤ ئه‌ڤان هه‌می رازیبوونا خول دهێته‌ڤه‌كرن.
ل دور ئه‌ڤ ساله ژی ناڤبریێ گۆت: ل ده‌سپێكا سالا 2022 پلانا سالا نوو ب نڤیسار بۆ رێڤه‌به‌ریا گشتی یا مه‌شق و راهێنانێ بلندكر و بۆ وه‌زاره‌تێ ب دیاركرنا خشته‌كێ خولان یێن پێدڤی كو مه ل به‌ر ڤه‌كه‌ین ل سالا 2022و ده‌مێ رازیبوون ل سه‌ر دهێته‌كرن هه‌مان ده‌م ده‌ست بكاری دهێته‌كرن و هه‌ر دپلانێ دا هاتیه دیاركرن كا چ جورێن خولانه و هژمارا پشكداران دهێته دیاركرن و زێده‌باری كوژمێ مه‌زاختیێ هه‌ر خوله‌كێ و ئه‌ڤ ساله كومه‌كا كار و چالاكیان هاتینه‌كرن ژ ئه‌گه‌رێ سالا بوری هه‌می كارو چالاكی هاتبوونه راوستاندن به‌ر كاودانێن نه‌خوشێن ڤایرۆسێ كورونایێ لێ ئه‌ڤ ساله و دووماهی یا پار ژ هه‌یڤا ته‌باخێ ده‌ست ب ه‌كرنا خولان هاتیه‌كرن ژوان خولێن هاتینه ئه‌نجامدان، خوله‌ك بۆ (1290) مامۆستایێن بابه‌تێ كومه‌لایه‌تیێ ل سه‌رانسه‌ری پارێزگه‌ها دهۆكێ كو 10 په‌روه‌ردان بخوه‌ڤه‌كرن و ئه‌ڤه بۆ بابه‌تێن كارامایی و كومه‌لایه‌تی ئه‌وان هاتیه‌ڤه‌كرن ل دووڤ پلانا رێڤه‌به‌ریا گشتی یا په‌روه‌ردا دهۆك ب هه‌فكاری ل گه‌ل رێكخراوا یونسێف ب سوپاسی ڤه، رێكخراوه‌كا گه‌له‌ك هاریكار ل گه‌ل كه‌رتێ په‌روه‌ردێ و بابه‌تێ كارامایی و بهایێن كومه‌لایه‌تی بابه‌ته‌كێ نوو بوویه ژبۆ ئاڤاكرنا زارۆكان كو ده‌ست پێ دكه‌ت ژ ئێكێ بنه‌ره‌تی هه‌ات 10ێ بنه‌ره‌تی و هه‌می په‌روه‌ردێن پارێزگه‌ها دهۆكێ بخوه ڤه‌گرت بوون، ژبۆ ڤه‌كرنا ڤێ خولێ ژ وه‌رزێ هاڤینێ هه‌تا نوكه په‌روه‌ردا( رۆژهه‌لات، رۆژئاڤا، زاخۆ، سێمێل، ئامێدی، ئاكرێ، به‌رده‌رش، شنگال، شێخان، تلكێف) هێشتا ماینه نێزیكی (1000) مامۆستایێن كومه‌لایه‌تیێ پێدڤی ب خولانه و پشكدار نه‌بووینه دخولێ دا و مه ل به‌ره بۆ گه‌رێن بهێت ئه‌وان مامۆستان پشكداری ئه‌وان خولان بكه‌ین.
رێڤه‌به‌را مه‌شق و راهێنانێ گۆتژی: ل دووڤ سیسته‌مێ نوویێ په‌روه‌ردێ ( برتش كانسل) سیسته‌مه‌كێ‌َ زور چالاكه بۆ قوتابخانا بۆ دابه‌شكرنا لژنا ل سه‌ر مامۆستان و سه‌ركردایه‌تیی یا رێڤه‌به‌رێ قوتابخانێ و دابه‌شكرنا سه‌رپه‌رشتیاران ل سه‌ر قوتابخانا بۆ كارێن لژنێن هه‌لسه‌نگاندنێن ده‌ره‌كی ل گه‌ل هه‌ڤالێن ره‌خنه‌گر ژ به‌ر ڤێ چه‌ندێ خوله‌ك هاته‌ڤه‌كرن بۆ (291) سه‌رپه‌رشتیاران ل گه‌لر (10) په‌روه‌ردان ژ بۆ هاندانا هزر و شیانێن كارێن سه‌رپه‌رشتیاران بۆ ماوێ (6) رۆژانه كو (3) رۆژ بۆ هه‌ڤالێ ره‌خنه‌گر و (3) رۆژ بۆ كارگێریێ و هه‌روه‌سا ژ خولێن دیێن هاتینه‌ڤه‌كرن بۆ رێڤه‌به‌ر و هاریكارێن قوتابخانا هاتینه‌ڤه‌كرن ئه‌و ژی (450) رێڤه‌به‌ر و هاریكار بووینه ل سنورێ هه‌ر (10) په‌روه‌ردا پشكداری تێدا كرینه و ئه‌ڤه ژی وه‌ك ته‌مامكه‌ری بۆ كارێ سیسته‌مێ بریتش كانسل.، دیسا ژ خولێن هاتینه‌ڤه‌كرن خوله‌ك بۆ كومپانیا داڤنشی كو رێڤه‌به‌ر و هاریكارێن هه‌مان قوتابخانه ژبو بهێزكرنا شیانێن وان دكاری دا و ئه‌ڤه ل دووڤ داخازیا وان بوویه ئه‌و ژی ب رازیبوونا په‌روه‌ردا گشتی ئه‌ف كاره هاتیه‌كرن، دیسا خوله‌كا دی هاته‌ڤه‌كرن بۆ رێڤه‌به‌ر و هاریكارێن باغچان (84) رێڤه‌به‌ران پشكداری تێداكر و بۆ ماوێ سێ رۆژان و ب دو گه‌ران هاته ئه‌نجاممدان، هه‌ر ژ خولێن گرنگێن هاتینه‌ڤه‌كرن خولا مامۆستایێن (فیزیایێ) بوو بۆ مامۆستایێن پولا (12)ێ ل دووڤ داخازیا رێڤه‌به‌ریا سه‌رپه‌رشتیارا و ب رازیبوونا په‌روه‌ردا گشتی و ئه‌ڤه بۆ (57) مامۆستا و دماوێ سێ رۆژان دا ب دووماهی هات زێده‌باری ئه‌نجامدانا خوله‌كا دی بۆ رێنماكاریێن په‌روه‌رده كو (100) رێنماكاران پشكداری تێداكر و گه‌له‌ك خولێن دی هاتینه ڤه‌كرن و هه‌ر خوله‌كا دهێته ئه‌نجامدان گومان نینه راهێنه‌ر هه‌نه لێ وه‌ك رێڤه‌به‌ریا مه‌شق و راهێنانێ (12) راهێنان هه‌نه و خودان باوه‌رنامه و شیانن بۆ هه‌ر خوله‌كا دهێته ئه‌نجامدان چونكه ئه‌ف راهێنه‌ره پشكداری خولێن شاره‌زایی بووینه ل هه‌ولێرێ بۆ ماوه‌كی دا كو باوه‌رنامێن گۆتنا خولان بده‌ست خوه ڤه بینن ژبۆ گۆتنا هه‌ر خوله‌كێ، ل گه‌ل ڤێ چه‌ندێ وه‌ك خولێن سه‌رپه‌رشتیارا و هه‌ڤالێ ره‌خنه‌گر و لژنا هه‌لسه‌نگاندنا ده‌ره‌كی راهێنه‌رێن وان هه‌ر سه‌رپه‌شتیار بخوه بووینه لێ تایبه‌تمه‌ند بوون ب گۆتنا ڤی جورێ خولێ ڤه.
خانم ئاواز گۆتژی: هه‌كه به‌حسێ ئاسه‌نگێن كارێ خوه بكه‌ین، هه‌تا رازیبوونا جهێن شوله‌ژێ دهێته‌كرن ل سه‌ر ڤه‌كرنا خولان و تایبه‌ت وه‌زاره‌تا په‌روه‌ردێ و وه‌زاره‌تا دارایی و ئابووری، كارێ مه گه‌له‌ك گیرو دبیت و كار دهێته راوستاندن و گه‌له‌ك ژ مامۆستا و رێڤه‌به‌ران ده‌مێ ناڤێ وان بۆ ڤه‌كرنا خولان دهێت نه‌رازیبوونا خوه دیاردكه‌ن و پشكداری خولان نابن و بهانا وه‌ردگرن، یان دێ رۆژه‌كێ هێته خولێ و رۆژا دی دێ ده‌ست ب وه‌رگرتنا ده‌ستیردانێ كه‌تو مه‌ره‌م ژ ه‌كرنا خولان هه‌ر بۆ بهێزكرنا شیانێن وانه لێ مخابنی ڤه دبه‌رهه‌ڤ نینن هه‌می ده‌مێ خوه ل خولێ بن، گه‌له‌ك جه مایتێكرنێ دكارێ مه‌دا دكه‌ن ده‌مێ ب په‌یوه‌ندیێ مووله‌تێ بۆ پشكداربوویێن خولێ دخازن و دبینم ئه‌ڤه كاره‌كێ نه جوانه، وه‌ك رێ؟ه‌به‌ریا مه‌شق و راهێنانێ ل گه‌ل گشت مامۆستا دهاریكارین و هه‌ر ده‌مێ مامۆستایه‌كی كاودانه‌كێ تایبه‌ت هه‌بیت گومان نینه مووله‌ت بۆ دهێته‌دان به‌لێ ده‌ما كه‌سه‌ك مایتێكرنێ د بابه‌تێ خولێ دا دكه‌ت جهێ نه‌رازیبوونێ یه راستی، دیسا مامۆستایێن پشكدار دخولان دا ناڤێن وان دهێنه دانان ژلایێ سه‌رپه‌رشتیارێ ئێكێ یێ په‌روه‌ردێ ل گه‌ل به‌رپرسێ پلاندانانێ و گه‌له‌ك جاران ب شاشی ڤه دێ ناڤێ مامۆستایه‌كی هێت كو دو جاران پشكداری خولان بوویه.
ل دور داخازیێن خوه ژی، رێڤه‌به‌را مه‌شق و راهێنانێ گۆت: داخاز دكه‌ین په‌روه‌رده هاریكاربن ل گه‌ل مه ژ بۆ دانانا هنده‌ك رێنمایێن توند بۆ هه‌ر كه‌سه‌كێ ناڤێ وی بهێت بۆ خوله‌كێ و پشكدار نه‌بیت و بێ ده‌ستیردانه‌كا ساخله‌می یان یاسایی و ئه‌ڤه دا پتر مامۆستا مفاداربن و دا زێ>ه‌تر كارێ مه بهێته چه‌سپاندن.
ل دور پلانا سالا نوو ژی، خانم ئاوازێ گۆت: پلانه‌كا باش هاتیه‌دانان بۆ ئه‌ڤ ساله و چه‌ندین خولێن جوره و جور دهێنه‌ڤه‌كرن وه‌ك به‌رده‌وامی دان ب ڤه‌كرنا خولا كارامایی و بهایێن كومه‌لایه‌تی و ئه‌ڤه دێ بۆ (1000) مامۆستایێن بابه‌تێ كومه‌لایه‌تی ل سنورێ هه‌ر (10) په‌روه‌ردا و ب پشته‌ڤانیا رێكخراوا یونسێف دهێته‌ڤه‌كرن و دووڤ داخازیا رێڤه‌به‌ریا مه‌شق و راهێنانێ پلان هاتیه‌دانان رێڤه‌به‌ریا گشتی یا په‌روه‌ردا دهۆكێ بۆ ڤه‌كرنا خوله‌كا تایبه‌ت بۆ فه‌رمانبه‌رێن ئایتیێ یێن رێڤه‌به‌ریێن په‌روه‌ردێ ژ بۆ بلندركرنا ئاستێ ته‌نكلوژیایێ دكارێ وان دا زێده‌باری خوله‌كا دی بۆ (95) فه‌رمانبه‌رێن رێڤه‌به‌ریێن په‌روه‌ردا دخولا كارگێری و نڤیسه‌ر هونه‌رێ سه‌رده‌ریكرنێ ، خوله‌كا دی ژبو شیانێن هه‌می مامۆستا و رێكێن گۆتنا وانان ل زانستێ ده‌روونیێ په‌روه‌رده‌یی دا ، زێده‌باری خوله‌كا دی بۆ رێڤه‌به‌ر و هاریكارێن قوتابخانێن ئێڤاران ده‌رباره‌ی چاوانیا ره‌فتاركرنێ ل گه‌ل قوتابیان و سه‌میانێن وان، هه‌روه‌سا خولا كارێن ده‌ستی و هویێن فێركرنێ بۆ مامۆستایێن زانستێ و هه‌ر وه‌سا بابه‌تێن (كیمیا و فیزیا و بیركاری ) ل گه‌ل چه‌ندین خولێن دی ل ژڤانێ رازیبوونێ نه.
