رێڤه‌به‌ره‌ك: ئه‌و مفایێ مه ژ سیسته‌مێ سویدی دیتی بتنێ قه‌ده‌غه‌كرنا قوتانا قوتابی بوویه.
ئه‌ڤرۆ، هه‌رهین محه‌مه‌د:
رێڤه‌به‌ره‌كێ قوتابخانه‌كێ ل زاخۆ دیاركر كو سیسته‌مێ سویدی ب چو ره‌نگان ل گه‌ل ژینگه‌ها مه ناگونجیت و ئه‌و مفایێ ژ سیسته‌مێ سویدی هاتییه دیتن بتنێ قه‌ده‌غه‌كرنا قوتانا قوتابی بوویه و گه‌له‌ك یا گرنگه ل سیسته‌مێ به‌رێ یێ خاندنێ ب زڤریته ڤه و ئاستێ خاندنێ یێ قوتابیان دێ بلندتر لێ هێت.
نێچیرڤان نه‌جمه‌دین عه‌بدوللا، رێڤه‌به‌رێ قوتابخانا ره‌هوان یا بنه‌ره‌ت ل زاخۆ بۆ به‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: دبه‌ری نوكه دا قوتابی ب سێ وانا دكه‌ڤ ده‌رنه‌چوو نوكه قوتابیێ یێ قوناغا ئێكی و دوێ و سیی ده‌رچیت و چوو نزانیت و دبینم ئاریشه‌كا مه‌زنه بۆ ماموستای و قوتابی و دبینم هه‌رئه‌و سیسته‌م بۆ یێ به‌ری نوكه یێ كه‌ڤن، چونكو ل پولا شه‌شێ سه‌ره‌تایی ویزاری بۆ و نه‌یێ ژ هه‌ژی با داخلی ویزاری نه دبوو قوتابخانێ ناڤێ خوه هه‌بوو هه‌كه قوتابی نه ب شیانێن خوه با نه ده‌رچوو و به‌ری نیڤا سالێ مه چار تاقیكرن ل سه‌ر سه‌دێ و پشتی نیڤا سالێ ژی هه‌روه‌سان و هه‌كه قوتابی نه‌خاندبا ژی ل شه‌ڤ و رۆژێن تاقیكرنێ دخاند، به‌لێ نوكه ئه‌ڤ تشته هه‌موو نه‌مایه و بتنێ دێ ئێك تاقیكرن ل سه‌ر بیستێ هێته‌كرن و هه‌شتێ نمرێن دی هه‌لسه‌نگاندنا قوتابیه، یان پرسیارێن نوكه ژی هه‌لبژارتن و به‌رسڤا راست و درست و ڤان ڤالاهیان پربكه و ئه‌ڤه بوویه ئه‌گه‌ر قوتابی گه‌له‌ك پێزانین نین و دیسان ده‌ستخه‌تێ نڤیسینێ نه‌یێ باشه و ماموستا هه‌بووینه نڤیسینا وی نه‌یا باش وه‌كو یا قوتابیان و هه‌تا كو ژی قوتابی دمینته راوستیای ل سه‌ر هه‌لبژارتنا دروست، چونكو قوتابی نه خاندیه كا ئه‌و رویدانه چه‌وا چێبوویه و ڤێ چه‌ندێ كارتێكرنه‌كا مه‌زن ل قوتابیان كریه و سال بۆ سالێ ئاستێ قوتابیان یێ دهێته خارێ و به‌ری نوكه ماموستای پرسیار دئینان و قوتابی شرۆڤه دكر یان ئه‌گه‌رێن رۆیدانه‌كێ، یان شه‌ره‌كی دئینا و قوتابی هه‌موو ژبه‌ردكر و دپسیارێن خوه دا گه‌له‌ك جارا نوقته دئنان و پێدڤی بوو قوتابی ب رێز دویف ئێك نڤیسابان و قوتابیان ب شه‌ڤ دكه‌تنه به‌ر خاندنا خوه دنڤیسا بخوه هه‌تا كو ژبه‌ركربان و ل گه‌ل نڤیسینێ ژی ده‌ستخه‌تێ وان جوان دبوو و ئه‌و رۆژا سیسته‌می هاتی مه چو مفا ژێ نه دیتیه و ئه‌و مفایێ مه ژ سیسته‌مێ سویدی دیتی بتنێ قوتانا قوتابی قه‌ده‌غه‌یه و دبینم سیسته‌مێ سویدی ب چو ره‌نگا ل گه‌ل ژینگه‌ها قوتابخانێن مه ناگونجیت و دڤێت هه‌رپوله‌كێ پتنێ پازده قوتابی دپولێ دابن و دو ماموستا د پولێ دا بن و نابیت قوتابی ئه‌ركێ خوه به‌ته مال و دڤێت قوتابی ژ ده‌مژمێر هه‌شتی سپێدێ هه‌تا چارێ ئێڤاری ل قوتابخانێ بیت و دبینم هه‌كه سیسته‌مێ به‌ری نوكه ب زڤریته ڤه دێ گه‌له‌ك باشتربیت بۆ قوتابیان و ئاستێ وان یی َخاندنێ دێ بلندتر لێ هێت.
رێڤه‌به‌رێ قوتابخانا ره‌هوان گۆتژی: ئه‌ڤ ساله ئاستێ قوتابیان باشتره ژ سالێن بوری، چونكو ئه‌ڤ ساله قوتابیان گه‌له‌ك ده‌وام كریه و (غیابات) ژی گه‌له‌ك دكێمبوون و رۆژا پشتی نه‌ورۆزێ من هزركر كو قوتابی كێم دێ هێنه قوتابخانێ، به‌لێ قوتابی هه‌موو هاتبوون و هه‌رپوله‌كێ ئێك دوه‌ك ژێ نه‌هاتبوون
