رێڤه‌به‌ره‌ك: نێزیكی 95%ماموستایێن قوناغا بنه‌ره‌ت دێ په‌رتوكێن خوه ب دووماهی ئینن
ئه‌ڤرۆ، هه‌رهین محه‌مه‌د:
ژ بۆ تاقیكرنێن دووماهیا سالێ هه‌رماموستایه‌كێ بابه‌ته‌كی پلانه‌ك هه‌یه و نیشا قوتابیان ده‌ت ژ بۆ ب ساناهی ئێخستنا وی بابه‌تی ل تاقیكرنێ لدور ڤی بابه‌تی ژی رێڤه‌به‌رك دبێژیت: پێدڤیه قوتابی بخوه ژی پلانه‌ك هه‌بیت و ئه‌و وانێن رۆژانه وه‌ردگریت ل ده‌مێ دچته مال دوباره بكه‌ت، دا كو ل رۆژا تاقیكرنێ بۆ قوتابی یا سڤك بیت، چونكو قوتابی ل قوتابخانێ گه‌له‌ك بابه‌تێن دی هه‌نه.
نیوارسلێمان، رێڤه‌به‌رێ قوتابخانا پیرۆمه‌را یا بنه‌ره‌ت بۆ به‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: قوناغا دوی َو سیێ بنه‌ره‌تی د سالا لێن بوری دا كارتێكرنه‌كا مه‌زن ل وان بوو بابه‌ت باشی بۆ وان نه‌هاتنه شرۆڤه‌كرن و دیسان بتنێ دوێ سێ هه‌یڤان ده‌وام هاته‌كرن و ئه‌و قوتابیێ ژ قوناغا سیێ چوو یه چارێ كارتێكرنه‌كا مه‌زن لێ بوویه ئه‌ڤ ساله ژی ئه‌و قوتابیه دێ ل سه‌ر ئه‌سئیلێ به‌رسڤ ده‌ت و ئه‌ڤ چه‌نده ژی بۆ قوتابی یا ب زه‌حمه‌نه و ل ڤێرێ دێ ماموستا پتر رولێ خوه بینت و دڤێت پتر خوه ب وه‌ستینت دا كو قوتابی باشی به‌رسڤ بده‌ت، چونكو په‌رتوك قوناغ بۆ قوناغێ پێكڤه دگرێداینه و ئه‌و بابه‌تێن سالا بوری خاندین ب كورتی ماموستا بینته بیرا قوتابی ڤه و دا كو قوتابی یێ به‌رهه‌ڤ بیت بۆ ئه‌زمونێن دووماهیێ زێده‌تر ژی گۆت: ل دووڤ سیسته‌مێ بریتش كانسل نوكه هاتیه ب كارئینان لژنا كوالتی و په‌ره‌پێدانێ ده‌مێ سه‌ره‌دانا موستایێن خوه دكه‌ین دپولێ دا و سه‌حدكه‌ینێ ل دووڤ وێ پلانا هاتیه دانان چ یا سالانه بیت، یان یا رۆژانه بیت لدووڤ وێ پلانێ وانه هاتیه گۆتن، یان نه، چونكو رولێ سه‌ره‌كی دڤی سیسته‌می دا قوتابی یه و دبیت به‌ری نوكه 80% ماموستای دئاخفت، به‌لێ نوكه 60% رولێ قوتابی یه و قوتابی دێ ئاخڤیت و جهێ ماموستای گریت و ماموستا دێ پتر ده‌رفه‌تێ ده‌ته قوتتابیێ لاواز و دا كو ئاستێ هه‌موو قوتابین وه‌ك ئێك بن و قوتابی پتر پشكداریێ بكه‌ن و ب ڤی ره‌نگی ل روژێن تاقیكرنێ قوتابی دێ یێ به‌ر هه‌ڤ بیت و باگراوه‌نده‌ك هه‌بیت.
ناڤهاتی گۆت: پێدڤیه قوتابی بخوه ب زانیت كو وی تاقیكرن یا هه‌ی، وبچیته مال جاره‌كا دی ئه‌و وانا وی وه‌رگرتی ل قوتابخانێ دوباره ب خوینت، چونكو قوتابی رۆژانه پێنچ شه‌ش وانان دكه‌ت و نه بتنێ ماموستا بێژیتێ فلان وانه و بابه‌ت یێ گرنگه بۆ خاندنێ و ژبه‌ركرنێ و داكو ل رۆژا ئه‌زموونان ل سه‌ر قوتابی سڤك بیت، ژبه‌ركو ل قوتابخانێ قوتابی گه‌له‌ك بابه‌تان وه‌ردگرن و دبیت نه‌شێت ل شه‌ڤا تاقیكرنێ هه‌موو بابه‌تان كونترول بكه‌ت و هنده‌ك بابه‌ت هه‌نه بۆ هه‌موو قوتابیان نه ب ساناهی نه و ئه‌ڤجا ماموستا ب دوسێ رۆژا به‌ری تاقیكرنا قوتابیان هایدار دكه‌ت و پلانێ بۆ دانیت دا كو قوتابی ل بابه‌تێ ده‌ستنیشانكری پێداچوونێ بكه‌ن و باشی بخویینن ژبۆ ب ده‌ستڤه ئینانا نمره‌یێن باش و سه‌ركه‌فتنێ، یان گه‌له‌ك جاران دپولێ دا قوتابیێ لاواز یێ هه‌ی و ماموستا پلانه‌كێ بۆ دانیت ژبۆ خاندنا وی بابه‌تی و ئێك ژوان پلانان ژی هه‌ربابه‌ته‌كێ نوی بیت ژبۆ تێگه‌هشتانا قوتابیان نمونه‌كا په‌رتوكێ دپولێ دا بۆ قوتابی ب شێوه‌كێ پراكتیكی ل سه‌ر ته‌خته‌ره‌شی شرۆڤه‌دكه‌ت و بتنێ دا قوتابی قوناغێن چێكرنێ بزانن و ل وی ده‌می هه‌كه ماموستا ژماران ب گوهریت ژی قوتابی رێكا دروست یا چێكرنا وی بابه‌تی دزانن.
رێڤه‌به‌رێ قوتابخانا پیرۆمه‌را گۆتژی: ئه‌ڤ ساله نه وه‌كو هه‌ردو سالێن بوری بوو كو په‌ژیكا كۆرۆنایێ هه‌بوو ئه‌ڤ ساله بهێن ڤه‌دان گه‌له‌م دكێمبوون ونێزیكی 95% هه‌موو ماموستایێن قوناغا بنه‌ره‌تی هه‌موو دێ په‌رتوكێن خوه ب دووماهی ئینن و ده‌رفه‌ته‌كا مه‌زن هه‌بوو نوكه مه هه‌یڤه‌كا دی ژی مایه و هه‌تا كو ئه‌زموونێن دوووماهیێ دهێنه‌كرن و ماموستایی هێشتا ده‌رفه‌ت یا مای ژبۆ ب دووماهی ئینانا په‌رتوكێ
