رێڤهبهریا خوهسهر و پهكهكه د پێشنیازهكا نێچیرڤان بارزانى دا
كارزان فهقى
ل وى دهمێ رۆژئاڤایێ كوردستانێ ههموو ل ژێ كۆنترۆلا پهیهدێ بوو، ئهو ل ههموو دهڤهرێن كوردى خوهدان هێز و دهستههلاتا خوه بوون و هێشتا گهفێن سۆپایی و هێزێن ئۆپۆزسیۆنێن سهر ب توركیاڤه ل سهر وان نهببوونه جدى و مهترسى، درست ل بیرامنه ل سالا 2016 بوو كو دهما كو نێچیرڤان بارزانى سهرۆك وهزێرێ وى دهمی یێ ههرێما كوردستانێ، د پانێلهكێ دا ل زانكۆیا ئهمریكى ل دهۆكێ پێشنیارهك ژ بۆ رێڤهبهریا خوهسهر یا رۆژئاڤایێ كوردستانێ كرى و گۆتى: (ئهگهر دهستههلاتداریا رۆژئاڤایێ كوردستانێ خوه ژ سیاسهتا پهكهكێ قورتال نهكهن، بێ گومان ئهوا وان ههى ژى دێ ژ دهست دهن). گهلهك ب سهر ڤێ گۆتنا نێچیرڤان بارزانى دا دهربازنهبوو، ل دهستپێكا سالا 2018 و ب بههانهیا ههبوونا پهیوهندیا وان ل گهل پهكهكێ و ئالۆزكرنا سنۆرێن توركیا، سۆپایێ توركیا ل گهل ئۆپۆزسیۆنا وى وهلاتى هێرشی عهفرینێ كر و داگیركر. كهواته نێچیرڤان بارزانى كو نها سهرۆكێ ههرێما كوردستانێ یه و دهستههلاتدارێن ههرێمێ باش دزانن، مهترسیا پهكهكێ ل ههرێما كوردستانێ چیه، چونكى كریار و داخویانیێن پهكهكێ گهلهك د ئالۆز و گوماناوین و ههتا نها ژى كهس نزانیت ئهو ژ بۆ كێ و ژ بۆ كیژان وهلاتى ڤى شهرى دكهن. ههكه وى دهمى رێڤهبهریا خوهسهر و ب تایبهت پهیهدێ وێ پێشنیارا نێچیرڤان بارزانى قهبوول كربا، نها رهنگه رۆژئاڤا د رهوشهكا دى دابا و خوهدان پهیوهندیێن ب هێزێن ئابوورى و سیاسى ژى با ل گهل توركیا و وهلاتێن جێرانێن خوه ژى. پشتى شكهستنا پهكهكێ ل رۆژئاڤیێ كوردستانێ، ههروهسا رهڤین و خوهشارتنا وان ل چیایێ ههرێما كوردستانێ دهست پێكرى و هێرشێن توركیا ل سهر وان دژوارتربووین، نها گهفێن خوه ژ بۆ سهر ههرێما كوردستانێ زێدهتر كرینه و ژ ناڤا كون و قولاچكێن چیای دهركهفتینه و بهرهڤ دهڤهر و گوندێن ئاڤهدان یێن ههرێما كوردستانێ خوه شۆركرینه. ئهڤه ژى بوویه گهف ل سهر خهلكێ سڤیلێ ههرێما كوردستانێ و حهتا نها ب فهرمى ههر سێ سهرۆكاتیێن ههرێما كوردستانێ خواستینه؛ پهكهكه و توركیا شهرێ خوه ژ بۆ ناڤا وهلاتێ خوه ڤهگۆهێزن. لێ پهكهكێ ب لیدوانێن هندهك سهركردهێن خوه و كرێگرتیێن دۆژمنێن كورد گهفێ ل ئارامى و ئاسایشا ههرێما كوردستانێ دكهت، ئهڤه وێ واتهیێ دگههینیت و كو پهكهكێ دڤێت شكهستنا خوه یا چهندین سالێن شهرى ب ئالۆزكرنا ههرێما كوردستانێ ڤهشێریت، چونكى ژ سالا 1984و ههتا نها پهكهكێ ئێك گوندێ باكۆرێ كوردستانێ ژى رزگار نهكریه، بهلكو گوندێن ههرێمێ بخوه كریه قهلغانێ پاراستنێ و خهلكێ وان گوندان ژى ژ ههموو خێر و بێرێن گوندێ خوه بێ بههربووینه، ئێدى ئهو كالكانێ نه كورد و سهركرده د ناڤا رێزێن پهكهكێ دا، دهما دبێژیت: نابیت ههرێما كوردستانێ ژى ئیسراحهتێ بكهت ههتا كو ئهم ئازاد نهبین، رامانا فهشهل و شكهستنا شهرێ چهندین سالان یا پهكهكێ دۆپات دكهت، چونكى دوژمنێ كالكانى و پهكهكێ ل ههرێما كوردستانێ نینه، چما ئارمانجا پهكهكێ ئهوه ههڕێم ئارام نهبیت؟ د دهمهكى دا ئهو ژ بۆ ئارامى و ئاسایشا ئهنقهرێ و ئهستهنبۆلێ بێ دهنگن. ئیدى هیچ بههانهیهك د دهستێ كوردان نهمایه كو بگههن وێ راستیێ، پهكهكه هیچ پرۆژه و پلانهك ژ بۆ كوردان نینه، بهلكو ئهو بخوه پرۆژه و پلانێن وهلاتێن دژه كورده و بوویه داردهستێ وان دوژمنان كو هیچ دهمهكى سهرێ ههرێما كوردستانێ و پێشكهفتن و ئاسایشا وێ ناخوازن.
