رێڤه‌به‌ریا لاوان قاره‌مانیا ریڤراندۆمێ ئه‌نجامدا
ئه‌ڤرۆ،
ل ژێر چاڤدێریا د. عه‌لی ته‌ته‌ر پارێزگارێ دهۆكێ رێڤه‌به‌ریا لاوان ده‌ست ب چالاكیا ئێكێ یا وه‌رزشی كر یا تایبه‌ت ب هه‌لكه‌فتا سال رۆژا سه‌ركه‌فتنا پرۆسێسا ئه‌نجامدانا ریڤراندۆما سه‌ربه‌خۆیا كوردستانێ ئه‌وا تێدا هژماره‌كا مه‌زن یا تیمێن مللی بۆ یاریا ته‌پا پێی پشكداری كری.
سه‌كڤان ره‌مه‌زان په‌یڤدارێ رێڤه‌به‌ریا لاوان ل پارێزگه‌ها دهۆكێ بۆ رۆژناما ئه‌ڤرۆ گۆت: ژبۆ ساخكرنا بیره‌وه‌ریا سه‌ركه‌فتنا پرۆسێسا ئه‌نجامدانا ریڤراندۆما سه‌ربه‌خۆیا كوردستانێ ل ئه‌ینیا بوری قاره‌مانیه‌ك بۆ 32 تیمێن مللی ب چاڤدێریا پ. د عه‌لی ته‌ته‌ر پارێزگارێ دهۆكێ هاتیه رێكخستن ئه‌وا ب پشكداریا گشت تیمێن سنورێ پارێزگه‌هێ ژ دهۆك، زاخۆ، سێمێل، ئامێدیێ، ئاكرێ، بامه‌رنێ، قه‌سرۆك، باگێرا، بلان، شێخان، قه‌دش، دومیز كو بۆ ماوێ 16 رۆژان ل یاریگه‌ها سیروان ل گه‌ڕه‌كا زڕكا به‌رده‌وام بیت.
ژلایه‌كێ دووڤه ناڤهاتی دیاركر ئه‌ڤ قاره‌مانیه ئه‌وا ژلایێ رێڤه‌به‌ریا وان ڤه دێ ب هه‌ڤپشكی و پشته‌ڤانیا رووداۆ فۆن و BIDZ COIN ڤه هاتیه رێكخستن پێخه‌مه‌ت سه‌ركه‌فتنا كاروانێ قاره‌مانیێ.
