رێڤهبهریا پاسپۆرتان ل ئامێدیێ سالهكه ب داوی هاتی و دهستبكارنهبوویه
ئامێدیێ، مهحمود نهێلی
پتر ژ سالهكێ یه نڤیسینگهها چێكرنا پاسهپورتان ل دهڤهرداریا ئامێدیێ هاتیه چێكرن و میلاكات بۆ هاتینه دهستنیشانكرن و ههژمارهكا فهرمانبهران ژی تێدا دهوامێ دكهن، لێ هێشتا ب فهرمی دهست بكار نهبوویه و دهست ب چێكرنا پاسپورتا نههاتیه كرن و وهلاتی ژی دخازن ئهگهرێن گیرۆبوونا وێ بزانن.
ئێك ژ وهلاتیێن دهڤهرێ ب ناڤی ئاڤان ئامێدی دیار كر، ڤهكرنا ڤێ نڤیسینگههێ گهلهك گرنگیا خوه ههیه و ب ڤهكرنا نڤیسینگهها پاسهپورتان دێ گهلهك ژ كاروبارێن هاولاتیان ب ساناهی تر لێ هێن و هاتن و چوونا وهلاتیان ژی دێ كێمتر بیت بۆ چێكرنا پاسهپورتان.
زێدهتر گۆت: پێدڤیه ئهڤ نڤیسینگههه بهری چهندین سالان هاتبا ڤهكرن، ژ بهركو دهڤهرا ئامێدیێ دهڤهرهكا بهرفرهههی ژلایێ جوگرافی ڤه و هژمارهكا زۆرا وهلاتیان ژی لێ ئاكنجی نه و گۆت: رێیا دناڤبهرا دهوكێ بو دهڤهرا ئامێدیێ دبیته دورێن 100 كیلومهتران، ئهڤجا بو رێڤهبهرنا مامهلهیا پاسهپورتێ بڕینا ڤێ ههموو رێیێ گهلهك زۆره.
وارشین سهلهمان دهڤهردارێ ئامێدیێ بو رۆژناما ئهڤرۆ خویا كر، وهك یا دیار فهرمانا ڤهكرنا نڤیسینگهها پاسهپورتا ل ئامێدیێ هاتیه دان وهك ئهرك و بهرنامهیێ كابینهیا نههێ یا حكومهتا ههرێما كوردستانێ كو ههموو خزمهتگوزاریان بگههینته ههموو دهڤهران بێ جوداهی. وهك ئاڤاهی یێ تمام بووی، وهك میلاكات ژی ههموو كارمهند بۆ هاتینه دهستنیشانكرن و گۆت: ئهگهرێ گیروبوونا دهست بكار بوونا وێ ڤهدگهریت بۆ گرانیا تۆرا هێلا حكومهتا عیراقێ یا فیدرالی.
دهڤهردارێ ئامێدیێ دیار ژی كر ئهو د وێ باوهریێ دا یه ئهڤ نڤیسینگههه دێ ل دهمهكێ نێزیك كهڤیته د خزمهتا خهلكێ دهڤهرا ئامێدیێ دا.
