رێڤهبهرێ ئاهێن خارنێ ل دهۆكێ:ئهو زهیتا ل گهل بێهنا ماسیان ژێ دهێت یا ساخلهمه
ئهڤرۆ، ههرهین محهمهد:
رێڤهبهرێ بازرگانیا ئاهێن خارنێ ل دهۆكێ راگههاند، بههرا پارێزگهها دهۆكێ یا زهیتێ 1400 تهنن و ئهو زهیتا هاتیه بهلاڤكرن و بێهنا ماسیا ژێ دهێت دو جاران هاتیه پشكنینكرن و ژ نوو هاتیه بهلاڤكرن و ئهو زهیته یا ساخلهمه و ب كێری خارنێ دهێت و گۆت: وێ زهیتێ سێ فیتامین لێ زێدهكرینه و ل گهل ئومێگا سێ، لهورا بێهنا ماسیا ژێ دهێت.
نیهاد حسێن، رێڤهبهرێ بازرگانیا ئاهێن خارنێ ل پارێزگهها دهۆكێ بۆ ئهڤرۆ گۆت: ههر كهرهستهكێ دهێته د ههرێمێ دا وهكو برنج و شهكر و زهیت ژ بهسرا دهێت و ناهێلن بهێت ههتا نههێته پشكنینكرن و پاشی ل سهر عیراقێ ههموویێ دهێته دابهشكرن و گۆت: بههرا مه 1400 تهنن ل گهل ئاواران بۆ ههیڤهكێ و ژ بۆ پشتراست بوون جارهكا دی ئهم دبهینه پشكنینێ ڤه و ژ نوو ئهم دابهش دكهین و ئهو بارێن دی یێن ل دووڤ وان دهێت ئهم دشێن دابهشكهین و مه هندهك كهرهستێن دی ههنه وهكو نیسك و فاسولی و ئالینوك بۆ مه ژ توركیا دهێن، بهلێ ل زاخو ژی مه هوبهكا دهرچوونێ ڤهكریه و ئهو ژی ئهم ل گهل بهعداینه و ل وێرێ ژی پشكنین دهێنهكرن.
نیهادی زێدهتر گۆت ژی: مه ب تنێ 10 كوگهه ههنه و گهلهك دكهڤنن و بێ سهروبهرن و پێدڤی نووژهنكرنێ نه و چهند جاران مه داخازا كریه بهێنه چارهسهرن، یان بۆ مه هێشتا زێدهكهن و مه سێ ههبوون ژ دهست مه ئیناینه دهرێ و هینگی مادێن مه سێ بوون و دهه كوگهه تێرا مه دكرن و نوكه بووینه شهش ماده و ل ڤێ دووماهیێ بهغدا دوو ههیڤ دوو ههیڤ دهنێریت و مه گوته وان هێدی هێدی و هوین ژی دزانن كاودانێن مه چنه.
زێدهتر دبێژیت: بهری دو مههان مه كومبوونهك ل گهل پارێزگهرێ دهۆكێ كر و ل وی دهمی بوو دهمێ بتلێ زهیتێ ب شهش هزار دیناران و ل دووڤدا مه گهلهك داخاز ژ بهغدا كر بۆ مه هزار تهن هنارتن و ئێكسهر بهایێ زهیێ ل بازاری نزم بوو، نوكه ژی بها ب نیڤی بوویه و بهری سێ ههیڤان زهیتهك هات ب ناڤێ سهوسهن راسته بێهنا ماسیان ژێ دهات و مه بره پشكنینێ و دیاربوو چ ئاریشه تێدا نینن و ب تنێ بێهنه و ب كێری خارنێ دهێت و ل بهغدا باوهرناما ئایزو ههیه و مه پرسیار ژ پشكا بازاركاری یا وان كر و گوتن مه سێ ماده زێدهكرینه فیتامینا (كهی ، دی و ئی) و ل سهر كارتونێ نڤیسیه دوهنیات تێدا نینه و دیسان ئومێگا سێ لێ زێدهكریه.
