رێڤه‌به‌رێ گشتی یێ كاروبارێن ئێزدیان ل وه‌زاره‌تا ئه‌وقافێ هاته گوهۆڕین
دهۆك،له‌زگین جوقی:
د رێوره‌سمه‌كێ تایبه‌ت دا رێڤه‌به‌رێ گشتی یێ كاروبارێن ئێزدیان ل وه‌زاره‌تا ئه‌وقافێ یا حكومه‌تا هه‌رێما كوردستانێ هاته گوهۆڕینا.
ب به‌رهه‌ڤبوونا بابه شێخێ ئێزدیان و د. پشتوان سادق، وه‌زیری ئه‌وقاف و كاروبارێن ئایینی ل حوكمه‌تا هه‌رێما كوردستانێ، دوهی 28/11/2021ێ د رێوره‌سمه‌كی دا رێڤه‌به‌رێ گشتی یێ كاروبارێن ئێزدیان ل وه‌زاره‌تا ئه‌وقافێ هاته گوهۆڕین و سعود مستۆ نجم، وه‌كو رێڤه‌به‌رێ نوو یێ كاروبارێن ئێزدیان ل وه‌زاره‌تا ئه‌وقاف و كاروبارێن ئایینی یا حكومه‌تا هه‌رێما كوردستانێ ل جهێ خه‌یری بۆزانی ده‌ست ب كاربوو.
خه‌یری بۆزانی، رێڤه‌به‌رێ به‌رێ یێ كاروبارێن ئێزدیان ل وه‌زاره‌تا ئه‌وقافێ بۆ رۆژناما ئه‌ڤرۆ گۆت: “دوهی ئه‌ز وه‌كو راوێژكار ل وه‌زاره‌تا ئه‌وقافێ یا حكومه‌تا هه‌رێما كوردستانێ هاتمه دانان و ل جهێ من سعود مستۆ بوو رێڤه‌به‌رێ گشتی یێ كاروبارێن ئێزدیان ل وه‌زاره‌تا ئه‌وقافێ”.
خه‌یری بۆزانی بۆ ده‌مێ چه‌ندین سالان بوو پۆستێ رێڤه‌به‌رێ گشتی یێ كاروبارێن ئێزدیان ل وه‌زاره‌تا ئه‌وقافێ ب رێڤه دبر و دوهی هاته گوهۆڕین و ل جهێ وی سعود مستۆ ده‌ست ب كاربوو.
