رێڤهبهرێ بهلاڤكرنا كارهبا سێمێلێ:ل ئهڤرۆ سیتی دێ سیستهمێ كارت بۆ كارهبێ هێته بكارئینان
ئهڤرۆ، سالار محهمهد دۆسكی:
رێڤهبهرێ بهلاڤكرنا كارهبا سێمێلێ ئاشكراكر، رۆژ بۆ رۆژێ سهرپێچی ل سهر كارهبا سێمێلێ بهر ب كێمبوونێ نه و گههاندنا پرۆژێن خزمهتگوزاری بۆ خهلكێ مه بهردهوامی ههیه و گۆت: پشتی ب دووماهی هاتنا دانانا پیڤهرێن زیرهك (smart meters) ل پرۆژی ئهڤرۆ ستی كارهبا وان دێ بیته 24 دهمژمێری ب رێكا (prepaid card) سیستمێ كارت
ئهندازیار نافع مستهفا ئهحمهد، رێڤهبهرێ بهلاڤكرنا كارهبا سێمێل بۆ رۆژناما ئهڤرۆ گۆت: گهلهك تاخێن نوو مه كارهب گههاندیێ و گهلهك تاخێن دی ژی ههنه ژ نوو كارهبا دگههیتێ، ناچارین سالانه گوهوركا ل ناف تاخا زێدهكهین، ئاریشێن ههره سهرهكی ئهوه فهرمانبهرێن دامهزراندنی و گرێبهست ئهون یێ ل سالا 2011 و ههر كهسهكێ بهێته خانهنشینكرن یان وهغهربكهت كهس ناهێته جهێ وی، ترۆمبێل ههر یێن سالا 2011 نه و ههر ترۆمبێلهكا ژ كار كهفت شیان نینن وهك پێشتر ڤهگهرینین، رۆناهیا جادا هاتینه دروستكرن وهك جادا سهرهكی یا مسیریكێ و جادا سهرهكی یا خانكێ د پلانا مه دایه بهێته دروستكرن.
رێڤهبهرێ بهلاڤكرنا كارهبا سێمێلێ ئهو ژی نه ڤهشارت و گۆت: رێڤهبهری یا بهلاڤكرنا كارهبا سێمێلێ بهردهوامه ل سهر گههاندنا خزمهتگوزاریێن كارهبێ بۆ هاوولاتیان و شیایه ههر ژ رێكهفتی 1/1/2022 تا 28/8/2022 (1955) پیڤهران بۆ پشكدارێن نوو بگههینیت و سهرجهم پشكدارین قهزا سێمێلێ گههشتینه (59614) پشكداران.
ناڤبری ئهو ژی گۆت: پشتی ب دووماهی هاتنا دانانا پیڤهرێن زیرهك (smart meters) ل پرۆژی ئهڤرۆ ستی كارهبا وان دێ بیته 24 دهمژمێری ب رێكا (prepaid card) سیستمێ كارت و دێ بێته ئهگهرێ كێمكرنا مهزاختنا كارهبا زێده كو دێ هێته دان بۆ جهێن دی و زێدهكرنا داهاتی و كێمكرنا بارێ ئابووری ل سهر وهلاتیان (كارهبا گشتی و یا موهلیدێ) ههر ژ 1/9/2022 كار هاتیه دهستپێكرن و دێ بهردهوام بیت.
رێڤهبهرێ ناڤبری ئهو ژی ئاشكراكر، چهندین پرۆژێن دی ژی هاتینه ئهنجامدان وهك پروژهیێن ل سهر داهاتێ 8% هاتینه ئهنجامدان ب كوژمێ 568 ملیونا لسهر كرینا كهل و پهلان بۆ كوگههێن رێڤهبهریێ و دانانا گۆهوركا ب كوژمێ 28 ملیونان ل سهر بوودجا ئاسایی، چاككرنا گوهوركێن ژ كاركهفتی ب كوژمێ 27 ملیون دیناران، د ههمان چالاكیێن ڤێ رێڤهبهریێ دا ههر ژ رێكهفتی: 3/1/2022 تــــا 28/8/2022 تیمێن لیژنا راكرنا سهرپیچیا رابووینه ب راكرنا سهرپێچیێن (203) پشكدارا و ب وهركرتنا پسولێن سزایی كو كوژمێ وان دبیته 13 ملیون و خهملاندن بۆ دوو سالا ب كوژمێ، 84 ملیون دیناران. پشتی دانانا پیڤهرێن زیرهك (smart meters) رێژا سهرپێچیا گهلهك یا كێم بوی.
ل دووماهیێ رێڤهبهرێ بهلاڤكرنا كارهبا سێمێل گۆت: ژ خهلكێ سێمێلێ دخازین هاریكاربن دكهل تیمێن مه یێن سهخبێریێ و ژمێركارێن مه یێن دابهشكرنا پسۆلین كارهبێ و ههر ههیڤ كریا كارهبێ ئهداكهن و سهرهدانا رێڤهبهریا مه بكهن دا قهرێن وان بكهینه قست.
