رێڤهبهرێ بهڕهڤانیا باژێڕی ل دهۆكێ هاته گوهۆڕین
ئهڤرۆ:
د چارچوڤێ وان گوهۆڕینێن بهردهوام یێن د ناڤ دام و دهزگههێن حكومی دا ل پارێزگهها دهۆكێ دهێنه ئهنجامدان، دوهی 23/8/2022 ب بهرههڤبوونا ماجد سهید سالح، جێگرێ پارێزگارێ دهۆكێ بۆ كاروبارێن تهكنیكی و نوونهرێ پارێزگارێ دهۆكێ و جههوهر عهلی، دهڤهردارێ دهۆكێ و رێڤهبهرێن چهند فهرمانگههێن پهیوهندیدار رێڤهبهرێ بهرهڤانیا باژێڕی ل دهۆكێ هاته گوهۆڕین و عهمید (حهسن خورشید تاهر) ل شوینا عهمید (عهبدولحهكیم تاهر) هاته دانان.
ماجد سهید سالح، نوونهرێ پارێزگارێ دهۆكێ د پهیڤهكێ دا دیار كر كو گوهۆڕین د ناڤ دام و دهزگههێن حكومهتێ دا پرۆسهكا ئاساییه و ئارمانج ژێ ئهوه ئاستێ خزمهتكرنێ بهێته پێشئێخستن و گۆت: “كارێ رێڤهبهریا بهرهڤانیا باژێڕی گهلهك یێ گرنگه و بهردهوام سامان و ژیانا وهلاتیان دپارێزیت”.
دیسا ناڤهاتی دهستخوشی ل رێڤهبهرێ بهرێ كر ل دۆر ئهو خزمهتا د ڤان سالێن بۆری دا پێشكێشكری و پیرۆزباهی ل رێڤهبهرێ نوو كر و هیڤیا سهركهفتنێ بۆ خواست و پشتهڤانیا كارگێریا پارێزگههێ بۆ ههر هاریكاریهكێ دیار كر.
ژ لایێ خوهڤه عهمید (حهسن خورشید تاهر) رێڤهبهرێ نوو تهكهز كر كو دێ ل جهێ وێ باورهیێ بیت یا پێ هاتیه راسپاردن و ب وهفاداری دێ خزمهتا خهلكێ پارێزگههێ كهت.
