رێڤهبهرێ ساخلهمیا ئامێدیێ و هاریكارێ وی هاتنه گوهارتن
ئهڤرۆ:
دوهی 26/6/2022 ل رێڤهبهریا ساخلهمیا ئامێدیێ رێڤهبهر و هاریكارێ رێڤهبهری هاتنه گوهارتن و ل شوونا وان یێن نوو دهست ب كاربوون.
د. ئهفراسیاب موسا، رێڤهبهرێ گشتیێ ساخلهمیا دهۆكێ سۆپاسیا ههر ئێك ژ (وارشین سهلمان) دهڤهردارێ ئامێدیێ و (عومهر ئورهی) بهرپرسێ لقێ 18 یێ پارتی و بهرپرسێن سهندیكایێن نۆشدار و كارمهندێن ساخلهمیێ كر بۆ ئامادهبوونا وان، دیسا سۆپاسیا رێڤهبهرێ ساخلهمیا ئامێدیێ و هاریكارێ وی كر، كو د بهری نوكه دا خزمهتهكا باش ئهنجام داینه و گۆت: “د وارێ تهنگاڤیان دا دهڤهرا ئامێدیێ پێدڤی ب خزمهتێن بهرفرههتر ههیه و كار دهێته كرن بۆ باشتركرنا وان”.
ههروهسا د. ئهفراسیاب موسا پیرۆزباهی ل د. ئیبراهیم حهسهن، رێڤهبهرێ نوو یێ ساخلهمیا ئامێدیێ و مهسعود تاهر، هاریكارێ رێڤهبهری بۆ كاروبارێن كارمهندێن ساخلهمیێ كر ب ههلكهفتا دهست ب كاربوونا وان و داخوازا سهركهفتنێ بۆ خواست.
بهرپرسێ لقێ 18 یێ پارتی و دهڤهردارێ ئامێدیێ د وان رێورهسمان دا سۆپاسیا رێڤهبهر و هاریكارێ رێڤهبهری یێن بهری نوكه (د. شاكر عهبدولعهزیز) و (دهروێش رهشید) كر، بۆ رۆلێ وان و پیرۆزباهی ل یێن نوو دهست ب كاربووین كرن و خواستن باشتر خزمهتا دهڤهرا ئامێدیێ ژ لایێ ساخلهمیێ بهێته كرن و ههڤكاریهكا باش ژ لایێ وان دێ ههبیت بو بهرفرههكرنا وان خزمهتان.
