رێڤەبەریا ساخلەمیا ئاكرێ: پتر ژ حەفت هزار زارۆكان د سالا بۆری دا ژ دایك بووینە
رەمەزان زەكەریا:
ڕێڤەبەریا ساخلەمیا ئاكرێ ئامارا سالانە یا كار و چالاكیێن خۆ یێن سالا بۆری بەلاڤكرن.
رێڤەبەریا ساخلەمیا ئاكرێ راگەهاند: د سالا بۆری دا پتر ژ 498 هزار كەسان سەرەدانا بنگەهێن ساخلەمیێ كرینە، نێزیكی 142 هزار كەسێن دی ژی سەرەدانا نەخۆشخانەیێن گولان و زارۆكبوونێ كرینە.
رێڤەبەریا ساخلەمیا ئاكرێ گۆتیە: « د سالا بۆری دا حەفت هزار و 255 نەشتەرگەریێن جودا هاتینە ئەنجامدان، دیسا حەفت هزار و 77 زارۆك ژ دایك بووینە، ژ وان سێ هزار و 517 كوڕ و سێ هزار و 560 كچ بوون، هەروەسا 586 حالەتێن مرنێ هاتینە تۆماركرن و چار هزار و 444 كەسێن تووشبووی ب نەخۆشیێن دۆمدرێژ ل دەڤەرێ هەنە».
ساخلەمیا ئاكرێ ئاشكرا ژی كریە، 349 كەس ژ ئەگەرێ ڕوودانێن هاتنوچوونێ بریندار بووینە و 21 كەسان ژی گیانێ خۆ ژ دەست دایە، 4214 پشكنینێن مارەبڕینێ هاتینە ئەنجامدان، 66 حالەتێن جێمكان ژ دایكبووینە، 321 حالەتێن پێڤەدانا دووپشكان و 44 حالەتێن پێڤەدانا ماران هاتینە تۆماركرن.
