رێڤەبەریا شوونوار و كەلەپوورێ دهۆكێ سكالا ل سەر كۆمپانییەكا ترۆمبێلان تۆماركر
زنار تۆڤی:
د. بێكەس بریفكانی، رێڤەبەرێ شوونوار و كەلەپوورێ پارێزگەها دهۆكێ، بۆ رۆژناما ئەڤرۆ دیار كر، وان سكالا ل دژی كۆمپانییا LEXUS ل داخوازكاریا گشتی یا پارێزگەها دهۆكێ و دادگەها شێخان تۆماركرییە.
ناڤهاتی گۆت: «كۆمپانیا لێگزز بێ ئاگەهدارییا رێڤەبەرییا شوونواران چوویە سەر قەنتەرەكا سكرێ شوونواری یێ جەروانە و ل سەر وی پەرژانێ هاتییە دروستكرن دەرباز بوویە و زیان گەهاندینە وی جهی، یاسایا شوونواران ل هەرێما كوردستانێ سزایێن توند بۆ ڤێ چەندێ داناینە و دێ رێكارێن توند بەرامبەر ڤێ كۆمپانیێ هێنە وەرگرتن».
