رێڤەبەریا وەرزشی دێ ئەكادیمیا و فێرگەهێن وەرزشی رێک ئیخت
د داخویانیەكێ دا جێگرێ رێڤەبەرێ رێڤەبەریا وەرزشی ل پارێزگەها دهۆكێ دیار كر پشتی دگەل رێڤەبەرێ گشتی یێ وەرزشی ل هەرێما كوردستانێ كۆمبن ژبۆ دانۆستاندنێ ل سەر رێنمایێن حوكمەتا هەرێمێ بۆ ڤەكرنا هەر جهەكێ وەرزشی دێ دووڤدا دگەل هەموو بەرپرس و نوونەرێن ئەكادیمی، فێركەه و هەتا خولێن ب ناڤێ وەرزشی كۆمبن پێخەمەت بەلاڤكرنا ئەوان مەرج و رێنمایان و چاوانیا دانا دەستویریا فەرمی و كاراكرنێ.
زێدەتر جەمال سلێمان گۆت: پێخەمەت رێكخستن و فەرمیكرنا كارێ هەمی ئەكادیمی، فێرگەه، و خولێن ب ناڤێ وەرزشێ ل پارێزگەها دهۆكێ پشتی ئەم دگەل رێڤەبەرێ گشتی یێ وەرزشی ل هەرێمێ كۆمبووبین ژبۆ دانۆستاندنێ و چاوانیا دانا مۆلەتا فەرمی یا كاراكرنێ دێ دگەل نوونەرێن وان جهێن وەرزشی كۆمبین پێخەمەت بەحسكرن ل سەر چەند تەوەرێن جودا ژ وانا بەلاڤكرن و وەرگرتنا هەر پێزانینەك و رێنمایێن حوكمەتا هەرێما كوردستانێ بۆ رێكخستنا ئەڤان جهان هێنە راسپاردن، ژبەركو یێن هەین مۆلەت ب هیچ رەنگەكی نە وەرگرتینە و سەربەخوە دەست ب كارێ خوە یێ وەرزشی كریە ئەڤە ژی بەروڤاژی رێنمایێن حوكمەتا هەرێمێ نە، دیسان یێن هەین ب هەر شێوەكی دەستویری وەرگرتیە بێ ئەم بهێنە ئاگەهداركرن، لەوما ژبۆ رێكخستنا ڤی كاری وەكو رێڤەبەریا وەرزشی ئەم دێ ب رژدی ل سەر بابەتێ مۆلەت و ب جه ئینانا رێنمایێن حكومەتا هەرێما كوردستانێ كەین تایبەت یێن گرێدایی ب جهێ راهێنانان وەكو یاریگەهـ و هۆل، رێنمایێن تەندرۆستی، راهێنەران و پێدڤیێن دناڤ وێ ئەكادیمی، یان فێرگەه، و خولێن وەرزشی دا.
هەروەسان ناڤهاتی گۆت: بۆ مە گرنگ د ڤێ بابەتی دا سەلامەتیا پشكدارانە كو پرانیا وان زارووك و سنێلەنە تایبەت ژلایێ ساخلەمیێ ڤە و دیسان چاوانیا دروست و زانستی وەرزش ب گەهیتە پشكدارێن وان، پێنەڤێت ئەم دێ هەڤكار و هاریكارێن هەمی لایەكی بین ل دووڤ رێنما و یا دشیان دا بیت دێ پشتەڤانبین ژبەركو مەرەما سەرەكی ئەو پشكدار ژلایێ چەستەیی مفایی ژێ وەربگریت و دەمێ خوە ب وەرزشێ ڤە بۆرینت و ببنە پاشەرۆژا گەش بۆ پارێزگەها دهۆكێ و وەلاتێ خوە كوردستانێ.
