رێڤەبەریا گشتی یا گەشت گوزارێ دێ ب شێوازەكێ گەرم پێشوازیا گەشتیاران كەت
پەروین سەلاح
پەیڤدارێ رێڤەبەریا گەشت گوزارێ ل پارێزگەها دهۆكێ دیار كر، دانانا بازارەكێ تایبەت دناڤا فاملی مول دا دێ هەبیت و دگەل خەملاندن و نەخشاندنا جهێ ئاهەنگێ و دارا سەرێ سالێ كو ب شێوازەكێ گەلەك جوان دێ هێتە خەملاندن د ناڤا فاملی مول دا، ئەڤ چالاكیە دێ ب شێوەكێ جوان بەردەوام بن ل درێژاهیا هەیڤا ١٢ تا شەڤا سەرێ سالێ و دگەل پێك ئینانا تیمەكێ هەر ل زالگەهێ دێ پێشوازیا گەشتیاران كەت ب ئاڤ شریناهیان، هەروەسا ئۆتێل و مۆتێل جهێ ڤەحەواندنێ د ئاستێ گەشتیاران دایە و هەمیان بەرهەڤیێن باش كرینە.
شەمال جەعفەر، پەیڤدارێ رێڤەبەریا گشتی گەشتوگوزارا ل پارێزگەها دهۆكێ د دیدارەكێ دا بۆ رۆژناما ئەڤرۆ دیاركر، بێگومان ژ بوونا هەلكەفتا سەرێ سالا نوی ئەم وەكو رێڤەبەریا گشتیا گەشت گوزارێ ل پارێزگەها دهۆكێ مە بەرنامە و پلانێن خو یێن تایبەت هەنە هەر دیسان بۆ ئەڤ سالا نوو بەرنامە پلان ژ چەند خالان دەسپێ دكەن، ئەم وەك رێڤەبەریا گەشت گوزارێ هەماهەنگی دگەل كارگێریا فاملی مولا دهۆكێ مە بەرنامەك هەیە بەرنامێ مە پێك دهێت رۆژانە چالاكیێن هونەری دێ هێنە كرن دناڤا فاملی مولێ دا.
ناڤبری گۆت: هەروەسا دگەل دانان بازارەكێ تایبەت دناڤا فاملی مول دا دێ هەبیت، هەروەسا هژمارەكا باش یا جهێن گەشتیاری مینا ئۆتێل و دگەل كافتریا و خارنگەهـ و هۆلێن شەهیانا هژمارەكا ئاهەنگان كو كەرتێ تایبەتە دێ ب ڤی ئەركی رابن و وان ژی بەرنامەیێ خۆ هەیە بۆ مەرەما راكێشانا گەشتیاران ژ بۆ جهێ خۆ و پارێزگەها دهۆكێ.
ناڤهاتی ئاشكراكر ژی: بۆ پێشوازیا سالا نوی رێڤەبەریا گشتیا گەشت گوزارێ ل دهۆكێ بەرنامەیەكێ دی هەیە بۆ خزمەت كرنا گەشتیاران و ژمارەیەكا پەیوەندیێ یا تایبەت هەیە ئەم شێین بێژین هێلا گەرم كو هەر گەشتیارەكێ پێدڤی بو شێت پەیوەندیێ ب وێ ژمارێ بكەت و ئەو ژمارە د سۆشال میدیا مە دا هاتیە بەلاڤ كرن بۆ گەشتیاران و دێ ب هەردوو زمانان خزمەتا گەشتیاران كەت، دگەل پێكئینانا تیمەكێ هەر ل زالگەهێ دێ پێشوازیا گەشتیاران كەت ب ئاڤ شریناهیان، هەر دیسان دناڤا بنگەهێن گەشتیاری دا ئەو تیمە دێ لێگەریانێ كەت ل سەر رەوشا گەشتیاران.
