رێڤەبەریا ھاتن و چوونا دھوکێ دێ سکالایەکێ لسەر بەرنامێ شەیدا تومار کەت
ئەڤرو نیوز ، ھلوری:
پشتی کو بەرنامەیێ شەیدا ل کەنالێ وار د ئێک ژ خەلەکێن بەرنانەیێ خوە دا کامیرایەکا ڤەشاری ب کچەکێ دکەت ، و رەنگڤەدانێن مەزن لدوڤ خوە ھێلان ب تایبەتی لسەر تورێن جڤای د نھادا رێڤەبەریا ھاتن و چوونا دھوکێ ھاتە سەرخەت و ب رێیا نڤیسارەکا فەرمی ددتن دیارکرن ئەگەر کەنالێ ناڤبری ب زوترین دەم لێبورینێ ژ وان نەخوازیت ئەو دێ سکالایەکێ لسەر وان تومار کەن.
ل گورەی نڤیسارا رێڤەبەریا ھاتن و چوونا دھوکێ کو رێکەفتی ٥/٦/٢٠١٧ دەرچویە و ئیمزا عەمید فەخری ئەحمەد رێڤەبەرێ گشتیێ ھاتن و چوونا دھوکێ لسەرە و ئاراستەیێ کەنالێ وار کریە تێدا دیاردبیت کو ئەو وەکو رێڤەبەریا ھاتن و چوونێ نەرازیوبونا خوە دیاردکەن ل بارا ئێک ژ خەلەکەیێن بەرنامەیێ شەیدا ل کەنالێ وار و دبێژیت: (ئەوا کو د بەرنامەیێ شەیدا ھاتیەکرن سفکاتیکرن بوویە بو کەساتیی و کارێ پولیسێن ھاتن و چوونێ کو ئەڤ یەک ژی دویرە ژ رەوشتێ کارێ راگەھاندنێ و ئەڤ یەک ژی بێی رەزامەندیا مە ھاتیەکرن)
زێدەتر ھاتیە: (رەفتارێن پێشکێشکارێ برگا کامیرا ڤەشارتی ل بەرنامەیێ شەیدا نەدشارستانی بووون و دویربوون ژ رەوشتێ پولیسان ، ژبەرڤێ پێدڤی یە دناڤا بەرنامێ شەیدا دا داخوازا لێبورینا ژ رێڤەبەریا پولیسێن دھوکێ بھێتەکرن ، و دیسان ئەو ڤیدیویا لسەر پولیسان چێکری د کەنالێ یوتیوبی بھێتە رەشکرن ، بەروڤاژی ئەو دێ پەنایێ بو قانونێ بەن و سکالایەکێ لسەر تومار کەن ئەو ژی ل گورەی ھندەک خالان بیروبوچونێن خوە دیار بکەن کو ئەو ژی سفکاتیکرن ب کارێ پولیسێن ھاتن و چوونێ ، ل بەرکرنا جلوبەرگێن سەربازی ب رەنگەکێ نە قانونی ، سەختەکرنا ھژمارا ترومبێلێ ، ئەنجامدانا ئەڤی کاری بێی رەزامەندیا رێڤەبەریا ھاتن و چوونا دھوکێ)
