رێڤەبەرێ گشتی یێ وەرزشی ئامارێن 2023ێ بەلاڤكرن
د پرێسكۆنفرانسەكی دا سەردار ئیسماعیل رێڤەبەرێ گشتی یێ وەرزشی ل هەرێما كوردستانێ پانۆراما كار و چالاكیێن سالا 2023ێ یێن رێڤەبەرییا خوە دیاركرن و ئاماژە پێ دا كو دێ بۆ سالا نوو پلانێن باشتر هەبن ب پشتەڤانییا حوكمەتا هەرێما كوردستانێ و ژ گرنگترین ئامارێن وان بڤی رەنگی دیاركرن.
ژ وانا دەست ب پلە كرنا یانەیا بۆ سالا 2023ێ هاتبوو كرن ل دووڤ داتایا لژنەیا ئۆلمپییا كوردستانێ و نوونەراتیێن لژنەیا ئۆلمپی و رێڤەبەریێن وەرزشی یێن باژێران، دیسان د ماوەیێ سالێ دا 78 نڤێسارێن فەرمی بۆ وەرگرتنا مینحەیێن 35 یانەیان هاتینە دان، هەروەسان كێمكرنا باجا دەرامەتی یا سالان ژ سەنتەر و هۆلێن وەرزشی یێن لەشجوانی.
هەروەسان ناڤهاتی ئەوچەندە ژی دیار كر شیان كۆژمەیێ باش یێ پشتەڤانییا دارایی بۆ فیدارسیۆنا تەپا پێی یا كوردستانێ ب نڤێسارێن فەرمی پەیدا بكەن كو زێدەتری 270 ملیۆن دینار بووینە، دیسان رادەستكرنا نڤێسارەكا فەرمی بۆ وەبەرهێنانێ و زێدەكرنا پرۆژەیێن وەرزشی دناڤ یەكەیێن ئاكنجیبوونێ دا تایبەت یاریگەهـ و هۆل و مەلەڤانگەهـ، دیسان پشتەڤانی و كاركرن ژبۆ مێڤانداریكرنا قارەمانییا هەرێما یا 2024ێ ل كوردستانێ و قارەمانییا عەرەبی یا گۆلفێ یا 2025ێ ل هەولێرا پایتەخت و پشتەڤانییا قارەمانییا نێڤدەولەتی یا سۆارچاكیێ ل هەولێرێ، د كۆنفرانس دا ئەوچەندە ژی دیار كر كو حوكمەتا هەرێما كوردستانێ بەردەوام پشتەڤانێ وەرزشێ بوویە و دیار یا دروست نینە یانە بتنێ چاڤ ل پشتەڤانییا حوكمەتێ بن
