رێکخراوا 25 ئیلۆنێ بۆ پشتەڤانیکرنا دەرمانسازان ھاتە راگەھاندن
ئه‌ڤرۆ نيوز:
بەرپرسێ رێکخراوا 25 ئیلۆنێ دیار کر، دوھی 25-9-2018 ب ھەلکەفتا سالرۆژا ریفڕاندۆما سەرخوەبوونا کوردستانێ و رۆژا جیھانیا دەرمانسازان ل ھۆلا رێڤەبەریا گشتی یا ساخلەمیا دھۆکێ رێکخراوا 25 ئیلۆنێ بۆ پشتەڤانیکرنا دەرمانسازان ھاتە راگەھاندن.
د. سالار محەمەد، بەرپرسێ رێکخراوا 25ی ئیلۆنێ بۆ ئەڤرۆ خویا کر، ل ژێر درووشمێ (ریفڕاندۆم پاشەرۆژا مللەتێ کورد)ە رێکخراوا 25ی ئیلۆنێ بۆ پشتەڤانیکرنا دەرمانسازان ھاتە ڤەکرن کو رۆژا 25ی ئیلۆنێ رۆژا جیھانیا دەرمانسازانە و گۆت: “نوکە ژی دەمێ دەرمانسازایە پەیوەندیێن خوە دگەل سازیێن ساخلەمیێ بھێز بکەن د ھەموو وارەکی دا”.
ئاشکرا ژی کر، چێکرنا پلانا 25 سالی دێ بیتە سەربلندی بۆ ھەموو دەرمانسازان، ب تایبەتی ژی بۆ دەرمانسازێن نەھاتینە دامەزراندن دێ بزاڤێ کەن پلانێن باشتر بھێنە دانان بۆ خزمەتکرنا دەرمانسازان.
دیسا ھەر ب ھەلکەفتا سالرۆژا ریفڕاندۆما سەرخوەبوونا کوردستانێ دوھی ل سەنتەرێ نەخۆشیێن دلی ھژمارەکا نشتەگەریان بێ بەرامبەر بۆ نەخۆشان ھاتنە ئەنجامدان.
د. سەعید بەرواری سەرۆکێ لقێ دھۆک یێ سەندیکا ددانا دیار کر کو پتریا نۆشدارێن ددانا ژی بی بەرامبەر پشکنین بۆ نەخۆشان ئەنجامدان، ھەروەسا بھایێ چێکرنا ددانا ژی ب رێژا 50% بۆ نەخۆشان ھاتە کێمکرن.
