رێکخراوەکا رۆژهەلات داخوازەکێ ژ جڤاکێ نێڤدەولەتی دکەت
ئەڤرۆ نیوز، هۆشەنگ تاجر:
سەردار محەمەدی ئەندامێ رێکخراوا مافێ مرۆڤی یا رۆژهەلاتێ کوردستانێ (هەنگاو) بۆ ئەڤرۆ نیوز راگەهاند کو ئەڤسالە ب رێژەکا بەرچاڤ چالاکڤانێن سیاسی و مەدەنی ل رۆژهەلاتێ کوردستانێ دهێنە دەستەسەرکرن و بۆ ئازادیا وان ژی دەزگەهێن ئێمناهیێ و دادێ داخوازا پارەکێ زۆر دکەن، ژ بەر هندێ ژی نها ب دەهان چالاکڤانێن مافێ مرۆڤی ل زیندانان دانە.
ئەندامێ رێکخراوا هەنگاو ئەو یەک ژی دیار کر کو ئەم داخواز ژ ئێکەتیا ئورۆپا و رێکخراوێن مافێ مرۆڤی دکەین کو ل هەمبەر ڤێ رەوشا خراب ل رۆژهەلاتێ کوردستانێ بێدەنگ نەبن و فشارێن خوە ل سەر ئیرانێ زێدە بکەن دا گرتیێن کورد بهێنە ئازادکرن.
