رێکخراوەک دێ د بیاڤێ چاندنێ و ئاڤدانێ دا دێ هاریکاریا خەلکی دەڤەرا ئامێدیێ کەت
ئەڤرۆ نیوز، مەحمود نهێلی :
قایمقامێ قەزا ئامێدیێ بۆ ئەڤرۆ نیوز دیارکر کر، کو رێکخراوەکا نیڤ دەولەتی بەرهەڤیا خوە دیارکریە کو هاریکاریا خەلکی دەڤەرا ئامێدیێ بکەت د چەندین بیاڤێن پێشخستنا ئابوری دا.
ئیسماعیل موستەفا قایمقامێ قەزا ئامێدیێ دیار ژی کر کو رێکخراوا خاچا سورا نیڤ دەولەتی د سەرەدانە خوەدا بو دەڤەرا ئامێدیێ بو وان دیارکریە کو ئەو دێ دگەلەک بوارێن ئابوری دا هاریکاریا خەلکی دەڤەرێ کەن و گۆت: ئەڤ رێکخراوە دێ د بیاڤێ چاندێ و ئاڤێ و گه‌له‌ك بابه‌تێن دى دا هاریكاریا دام و ده‌زگه‌هێن په‌یوه‌ندیدارێن قه‌زا ئامێدیێ كه‌ت وهه‌روه‌سا ب رێكا ئه‌نجامدانا چه‌ند پروژێن بچووك ژى دێ هاریكاریا هاوولاتیێن ده‌ڤه‌رێ كه‌ن.
ئاشکرا ژی کر، کو ئەڤ ريکخراوە دێ هاریکاریا ئافره‌تێن بێ سه‌میانێن، کەن ب رێیا دانا كوژمه‌كێ پاره‌ى داكو بشێن بخوە كاره‌كێ ئەنجام دەن و بوارێ خوە یێ ئابوری پێش بخەن.
