رێکخستنا مافێن مرۆڤی: سێداره‌دانا کوردان ل ئیرانێ د زێده‌بوونێ دا‌یه
ئەڤرۆ
سەرجان مەحمود:
رێکخستنا مافێن مرۆڤی یا رۆژهه‌لاتێ کوردستانێ د داخۆیانیه‌کێ دا راگه‌هاند، د حه‌فتیا بۆری دا ١٠ وەلاتیێن کورد ل زیندانێن رۆژهه‌لاتێ کوردستانێ ژ ئالیێ ده‌ستهه‌لاتا ئیرانێ ڤه هاتینه سێداره‌دان و ئاشکرا کر، پشتی خوه‌نیشادانێن ل باژێرێن رۆژهه‌لاتێ کوردستانێ و ئیرانێ ب ره‌نگه‌کێ گشتی هژمارا وه‌لاتیێن، کو دهێنه سێداره‌دان گه‌له‌ک زێده‌تر بوویه.
ل دووڤ داخۆیانیا رێکخستنا مافێن مرۆڤی هه‌ری دووماهیێ لاوەکێ کورد یێ ب ناڤێ محەمەد ره‌سولی خەلکێ باژێرێ ئیلام یێ رۆژهه‌لاتێ کوردستانێ ژ ئالیێ ده‌وله‌تا ئیرانێ ڤه هاتیه سێداره‌دان، هه‌روه‌سا دادگه‌هێن ئیرانێ هەتا نها بریارا سێدارەدانێ ل سەر ب دەهان وەلاتیێن کورد سەپاندینە یێن پشکداری د خوەنیشادانێن ڤێ دووماهیێ ل ئیرانێ و رۆژهەلاتێ کوردستانێ دا کرینە.
ل دووڤ ئاخڤتنێن چالاکڤانێن مافێن مرۆڤی ژ به‌ر بێده‌نگیا ولاتێن جیهانێ، ده‌وله‌تا ئیرانێ زۆرداریا ل سه‌ر وه‌لاتیان زێدەتر کریه و بۆ ترساندنا وه‌لاتیان هژمارا سێداره‌دانا که‌سێن خوه‌نیشاده‌ر گه‌له‌ک زێده‌تر بوویه.
