رێکخستییەک كار ژ بۆ كێمكرنا توندوتیژیا دیجیتالی دژی ئافرەتان دكەت
دلڤین رەشید:
رێکخستییا كومەلا ئافرەتێن بەغدا ئۆفیسا دهۆكێ ل گەل رێڤەبەریا بەرهنگاربوونا توندتیژیا خێزانی ل دهۆكێ، وركشۆپەك ل دۆر كێمرنا توندوتیژیا دیجیتالی ژ روویێ دەرونی و یاسایی و تەكنیكی ژ بۆ هژمارەیەكا ئافرەتێن چالاكڤان رێكخست.
پارێزەر جیهان حسێن، بۆ رۆژناما ئەڤرۆ دیاركر، ل گەل زێدەبوونا ب كارئینانا ئنترنێتێ و سوشیال میدیایێ توندوتیژیا دیجیتالی د ناڤ جڤاكی دا بەر ب زێدەبوونێ ڤە دچیت و گۆت: «گەلەك ژ تاكێن ئەڤی جڤاكی تووشی ئاخڤتنێن نەشرین و پێشێلكرنا تایبەتمەندیێن وان هەتا دگەهیتە هەرەشەیێن راستەوخۆ دبن، ب تایبەت ژی كچ و ژن زێدەتر ل بەر ڤێ دیاردێ دكەڤن».
ناڤهاتیی گۆتژی: «توندوتیژیا دیجیتالی مەترسیەكا مەزن ل سەر سەقامگیریا دەروونی و جڤاكی یا قوربانیان دورست دكەت، لەورا پێدڤیە هاریكاری د ناڤبەرا دەزگەهێن حكومەتێ و رێكخستیێن جڤاكێ مەدەنی دا هەبیت بۆ بەرهنگاربوونا توندوتیژیا دیجیتالی و بەلاڤكرنا هشیاریێ د ناڤ جڤاكی دا».
