رێککەفتن ل سەر پوستێ وەزیرێ نافخۆ ھاتە کرن
ئەڤرۆ نیوز:
ھەردو ھەڤپەیمانێن چاکسازی و بینا رێککەفتن ل سەر دیارکرنا بەربژێرەکێ نوو بۆ پوستێ وەزارەتا نافخۆ و تمامکرنا کابینەیا نوو یا حوکمەتا عیراقێ.
د ڤی چارچوڤەی دا ھەردو ھەڤپەیمانێن سائیرون و فەتح وەک دەسپێک رێککەفتینە بۆ دەستنیانکرنا کەسەکی دی بۆ پوستێ وەزارەتا نافخۆ و بەری رۆژا ئەینی ژی دێ ناڤێ وی ھێـە دیارکرن و ب ڤێ چەنجدێ مەزنترین کێشە ل بەر سنگێ حوکمەتا نوو یا عادل عەبدولمەھدی دێ ھێتە چارەسەرکرن و ل دەسپێکا وەرزێ نوو ئەو وەزیرێن ژی دێ ھێنە تمام کرن.
د ڤی دەربارەی دا ستار عتابی ئەندامێ ھەڤپەیمانیا چاکسازی دیارکر لژنەیەک ناڤبەرا ھەڤپەیمانیا چاکسازی و بینا ھاتیە پێکئینان و ئەڤ لژنەیە دێ دانوستاندنێ دگەل ھەڤپەیمانیا سائیرون کەت ل سەر چارەسەرکرنا پوستێن وەزارەتێن نافخۆ و بەرگریێ دیسان تمامکرنا کابینەیا نوو یا حوکمەتا عیراقێ زێدەباری دەستنیشان کرنا کەسەکێ دی بۆ ڤان پوستان.
