رێگر ئهحمهد: بهرههڤ نهبوونا یاریزانا ئهگهرێن خوه ڤهكێشانا دهۆكێ بوو
ئهڤرۆ،
تیما تهپا مێزێ یا یانا دهۆك خوه ژ قۆناغا دویێ و دووماهیێ یا خولا پلا نایابا ئیراقێ ڤهكێشا ئهوا یاریێن وێ ب شێوێ كۆمڤهبوون ل باژێرێ بهغدا ب پشكداریا 14 یانا هاتیه ئهنجامدان و یانا -غاز الشمال- ب ناسناڤێ وێ هاتیه خهلاتكرن كو ل دووڤ بڕیارێن ئێكهتیا ئیراقێ ئهو یانا پشكدار نهبیت دێ بۆ پلا ئێك پاشڤه چیت.
ل دۆر ڤێ یهكێ رێگر ئهحمهد ئهندامێ كارگێریا یانێ و سهرپهرشتێ تیما دهۆك بۆ رۆژناما ئهڤرۆ گۆت: سهرباری مه پشكداریا د قۆناغا ئێكێ دا كربوو و شیاین جهێ خوه د ناڤ پلا نایاب دا پارێزین و دیسان بۆ قۆناغا دویێ تیما مه بهردهوام راهێنان دكرن لێ ژ نشكهكێ ڤه بهرههڤ نهبوونا ههرسێ یاریزانێن مه یێن سهرهكی بۆ قۆناغا دویێ ژبهر ئهگهرێن جودا نهچاربووین پشكدار نهبین و خوه ڤهكێشن سهرباری كارگێریا یانێ ههر تشتهكێ پێدڤی یا ماددی و مهعنهوی بۆ تیمێ بهرههڤكربوو.
ههروهسا ناڤهاتی گۆت: پشتی ئهو ئاریشا نه چاڤهڕێ كری یا نه بهرههڤبوونا یاریزانان ژبهر هنگاڤتن و ئهگهرێن تایبهت ب وانڤه گڕێدایی مه داخواز ژ ئێكهتیا تهپا مێزێ كر كو دهرگههی بۆ زێدهكرنا سێ یاریزانێن دی ڤهكهن پێخهمهت بشێن پشكدار بین لێ رێك نهدا مه لهورا نهچاربووین بڕیار خوه بدهین و دێ ب نڤێسارهكا فهرمی رۆهنكرنێ و ئهگهرێن نه پشكداریێ بۆ ئێكهتیا یاریێ دیاركهین ژبهركو مافێ مهیه ل پلا نایاب بمینین.
