رێگر ئه‌حمه‌د دادڤانێ ئێكانه كورده دشێت یاریێن ئۆلۆمپیادا ب رێڤه‌ببه‌ت
ئه‌ڤرۆ،
دادڤانێ یاریا ته‌پا مێزێ و كوڕێ باژێرێ دهۆكێ رێگر ئه‌حمه‌د ب فه‌رمی ده‌لیڤه بوو هاتیه دان دشێت ڕێڤه‌برنا قاره‌مانیێن نێڤده‌وله‌تی و ئۆلۆمپی، پشتی ب سه‌ركه‌فتیانه شیایی دووماهی دادڤانیێ ل قاره‌مانیا عه‌ره‌بی بكه‌ت ئه‌وا ل حه‌فتیا بوری هه‌ڤڕكیێن وێ وه‌لاتێ ئوردن مێڤانداریا وێ كری.
د داخویانیه‌كێدا دادڤانێ ناڤهاتی بۆ رۆژناما ئه‌ڤرۆ گوت: وه‌كو دادڤانه‌كێ ئیراقێ و ئێكانه كورد ژلایێ ئێكه‌تیا عه‌ره‌بی یا یاریا ته‌پا مێزێ هاتیمه ده‌ستنیشانكرن بۆ برێڤه‌برنا قاره‌مانیا عه‌ره‌بی كو ب پشكداریا 11 هه‌لبژارتیان هاتبوو كرن شیام ب سه‌ركه‌فتیانه و په‌سنا هه‌موو پشكداران یاریێن سه‌ر ئاستێ تازه‌پێگه‌هشتیان ژوانا یاریا دووماهیێ بوو دناڤبه‌را هه‌لبژارتیێ تونس و قه‌ته‌رو یاریا دناڤبه‌را مسرێ و سوریا دا، هه‌روه‌سا بۆ ئاستێ پێشكه‌فتیان ژی یاریا دناڤبه‌را ئوردن و مسرێ ژی دا و یاریا قه‌ته‌ر هه‌مبه‌ری به‌حرێنێ و سه‌ر ئاستێ كچان هه‌لبژارتیێ مسرێ ل گه‌ل ئوردن كو ئه‌ڤان یاریا قۆناغه‌كا دی بۆ من په‌یداكر ئه‌وژی ببمه جهێ باوه‌ریا ئێكه‌تیا عه‌ره‌بی و ئێك ژ دادڤانێن ده‌ستنیشانكری بۆ قاره‌مانیێن نێڤده‌وله‌تی و ئۆلۆمپیادا بهێمه ژێگرتن.
ژلایه‌كێ دیڤه رێگر ئه‌حمه‌د گوت: برێڤه‌برنا پێنچ یاریێن دووماهیا قاره‌مانیا عه‌ره‌بی نه كاره‌كێ ب سانه‌هی یه تایبه‌ت ل سه‌ر ئاستێ هه‌لبژارتیان بیت لێ ژبه‌ركو ئارمانجێن من مه‌زنترن كو به‌ره ب قاره‌مانیێن ده‌وله‌تی بچم و من مفایه‌كێ باش ژ قاره‌مانیا وه‌رگرتیه ژبه‌ركو پێنچ جاره پشكداری قاره‌مانیێن عه‌ره‌بی و نێڤده‌وله‌تی دبم و ئارمانجا من به‌ره ب ئۆلۆمپیادا ژی پشكداریێ بكه‌م و ب ده‌ستڤه‌ئینانا باجا شین یا نیڤده‌وله‌تی ئانكۆ دادڤانێ باوه‌رپێكری مه و ده‌لیڤه‌یا پشكداریێ د مه‌زنترین قاره‌مانیێن جیهانێ دا من یا هه‌یی و شانازیێ دبه‌م وه‌كو كورده‌ك بگه‌همه قۆناغێن باشتر و ناڤێ وه‌لاتێ خوه كوردستانێ بلندبكه‌م.
