رێیهكا ستراتیژی ل ناوچهداریا دینارته بۆ دهۆكێ دهێته چێكرن
ئاكرێ، رهمهزان زهكهریا:
رێكا كهشكاڤا بۆ گسێ كو درێژاهیا وێ نهه كیلۆمهتران ل سنوورێ ناوچهداریا دینارته دهێته چێكرن و دێ بیته رێیهكا ستراتیژی د ناڤبهرا دینارته بۆ دهۆكێ دا ژ ئالیێ نههلێڤه.
شهعبان خهلیل بهرواری، دهڤهردارێ ئاكرێ ب وهكالهت بۆ ئهڤرۆ گۆت: “نوكه كار ل سهر وی پڕۆژهیی دهێته كرن، كو درێژاهیا وێ نهه كیلۆمهترن و دێ ناوچهداریا دینارته ب ناوچهداریا چهمانكێ و پارێزگهها دهۆك ڤه گرێ دهت”.
گۆتژی: “پشتی تهمامبوونا پڕۆژهی وهلاتیێن دهڤهرێ ل جهێ گهلیێ زنتا دێ شێن رێكا دینارته چهمانكێ بۆ دهۆكێ ب كارئینن و نزیكتره و دێ یا بێ مهترسی ژی بیت دێ بیته رێیهكا گرنگ و ستراتیژی ل دهڤهرێ”.
ناڤهاتی خویا ژی كر، ئهڤ رێیه دێ بیته سهدهم كهرتێ گهشتوگوزاری پتر گهشێ بكهت و ئاڤهدانی پتر بگههیته دهڤهرێ و ژ لایێ ئابووری ژی ڤه دێ مفایهكێ باش بۆ كهرتێ چاندنێ و خودانكرنا تهرش و كهوالی ژی ههبیت.
