رێیه‌كا سه‌ره‌كی ل ده‌ردۆرێن سه‌نته‌رێ شێخان دێ هێته دروستكرن
بارزان مزووری:
رێڤه‌به‌رێ باژێرڤانیا شێخان تایێ نه‌ینه‌وا بۆ رۆژناما ئه‌ڤرۆ دیار كر، ب كۆژمێ پێنج ملیار و 500 ملیۆن دیناران رێیه‌كا سه‌ره‌كی ل ده‌ردۆرێن باژێرێ شێخان دێ هێته دروستكرن و دبێژیت: هه‌موو كارێن ده‌ستپێكێ هاتینه كرن و ل ده‌مه‌كێ نێزیك دێ كار ل سه‌ر پرۆژه‌ی هێته كرن.
وه‌سیم غانم، رێڤه‌به‌رێ باژێرڤانیا شێخان تایێ نه‌ینه‌وا خویا ژی كر، ب كۆژمێ 682 ملیۆن دیناران هه‌ردو رێكێن سه‌ره‌كی یێن د ناڤ سه‌نته‌رێ باژێرێ شێخان دا، ژلایێ رێڤه‌به‌ریا گشتی یا باژێرڤانیا پارێزگه‌ها نه‌ینه‌وا ڤه وه‌كو شایسته‌یێن قه‌زا شێخان دێ هێنه نووژه‌نكرن.
ناڤهاتی ئاشكرا ژی كر، ل سه‌ر بودجا رێڤه‌به‌ریا گشتی یا باژێرڤانیا پارێزگه‌ها نه‌ینه‌وا ڤه بڕیاره و نه‌خشه ژی هاتیه به‌رهه‌ڤكرن كو رێیه‌كا سه‌ره‌كی ل ده‌ردۆرێن باژێرێ شێخان ب كۆژمێ پێنج ملیار و 500 ملیۆن دیناران بهێته دروستكرن و گۆت: “هه‌موو كارێن ده‌ستپێكی هاتینه كرن و ل ده‌مه‌كێ نێزیك دێ كار ل سه‌ر پرۆژه‌ی هێته كرن كو پرۆژه‌كێ گرنگه بۆ قه‌زا شێخان و دێ دیمه‌نه‌كێ جوانتر ژی ده‌ته باژێری”.
