رێیێن ب ساناهی بۆ فێربوونا وێنەگرتنێ هەنە
بێوارحەمدی:
وێنەگر (عومەر عەدنان) د دیدارەكێ دا بۆ رۆژناما ئەڤرۆ گۆت: هەرچەندە من پشكا شێوەكاری ل پەیمانگەها هونەرێن جوان، هەروەسا ل كولیژا هونەری ل زانكۆیا دهۆك ب دووماهی ئینایە، ئانكو تایبەتمەندیا من شێوەكاری یە، لێ ئەز گەلەك حەزژ گرتنا وێنەیان دكەم و حەزدكەم یێ بەردەوامم.
هەروەسا گۆت: ئەڤە سێزدە سالن ئەز وێنەیان دگرم و د بەرێ دا كەسێن بسپۆر د وێنەگرتنێ دا دكێم بوون، هەتا كڕینا كامیرەیەكێ ژی یا ب زەحمەت بوو، لێ نوكە رێیێن ب ساناهی بۆ فێربوونا وێنەگرتنێ هەنە و دەم ژی بۆ فێربوونێ كێمترە، لەورا مە وێنەگرێن باش هەنە و هەتا رادەیەكی پشتەڤانی ل وان دهێتە كرن و هیڤیا من ئەوە ژ نوكە وێڤە پشتەڤانی ل هەموویان بهێتە كرن، هەتا ئەوێن ل كەنالێن ئەهلی ژی كار دكەن و هەر چو نەبیت هندەك جاران خولا ل دۆر نووترین ئەتەكێتێن وێنەگرتنێ بۆ ڤەكەن.
