رێێا باعه‌درێ بۆ به‌دریك دێ ب كامیرێن چاڤدێریێ هێتە كونترۆل کرن
ئه‌ڤرۆ نیوز، بارزان مزووری:
موقه‌دمێ ماف په‌روه‌ر ئازاد تاها،به‌رپرسێ په‌یوه‌ندی و راگه‌هاندنا رێڤه‌به‌ریا هاتن و چوونا پارێزگه‌ها دهوك بۆ ئه‌ڤرۆ نیوز گۆت:هه‌ر ژ ئوڤه‌ر پاسا باعه‌درێ هه‌تا دوو ریانا به‌دریێ ب درێژاهیا 22 كیلومه‌ترا ئه‌و رێك هاتیه دروست كرن ب شێوه‌یه‌كێ مودێرن رێك ب باشی هاتیه دروست كرن كه‌فتیه د خزمه‌تا شوفێران دا به‌لێ جهێ داخێ یه گه‌له‌ك شوفێر وه‌كۆ پێتڤی نزانن ڤێ رێكا نوی لدوڤ رێنمایێن هاتن و چونێ بكاربینن بویه جهێ دروست بوونا رویدانێن هاتن و چونێ زیانێن مه‌زن یێن گیانی لڤێ رێكێ دروست دبن.
ناڤهاتی خویاكر مه وه‌كۆ رێڤه‌به‌ریا هاتنوچوونا دهوك ب هه‌ماهه‌نگی دگه‌ل به‌شێ هاتن و چوونا شێخان دانیشتنێن به‌رفره‌ه مه ئه‌نجام داینه كو ل داهاتی دا كامیرێن چاڤدێریێ و هێمایێن ترافیگی دانینن بۆ وان جهێن رۆیدان لێ دروست دبن ب وان هێما و لوگویێن ترافیكی ئه‌و رێك دهێته سنورداركرن دا كونترۆلا رۆیدانا بهێت كرن پێتڤی به‌لێ پێتڤی یه خه‌لكێ مه ره‌وشه‌مبیریا خۆ یا هاژوتنێ به‌ره‌ڤ ئاسته‌كێ باش ببه‌ت دا رۆیدانێن گیان ل ده‌ست دانێ لپشت خو نه‌هێلیت.
ناڤهاتی گۆت: (هه‌رچه‌نده ئه‌ڤ رێكه سنورێ رێڤه‌به‌ریا هاتن و چوونا ئه‌لقوشه به‌لێ دچارچوڤێ قه‌وارێ ئیدارێ لدوڤ سیسته‌مێ پێ هاتیه دارێژتن رێڤه‌به‌ریا هاتن و چوونا دهوك خۆ ل ڤێ ده‌ڤه‌رێ كریه خودان جه‌ند جه نوێژه‌نرینه ژبلی دروست كرنا 22 كیلومترێن رێكێ ژلایێ حكومه‌تا هه‌رێما كوردستانێ ڤه و هێمایێن هاتن و چونێ لێ داناینه رێك بویاغكریه به‌رده‌وام ژی ژی خزمه‌تا وان دكه‌ن).
موقه‌مێ ماف په‌روه‌ر ئازاد تاهای دیار ژی کر سه‌رپێچی هه‌ر سه‌ر پێچی یه‌و شوفێره‌ك تورك بیت یان بیانی بیت بیت یان خه‌لكێ مووسل بیت جیاوازی نینه دناڤبه‌را شوفێرێ پارێزگه‌هێ لدوڤ رێنمایێن هاتنوچوونێ ئه‌و شوفێر دهێت سزادان ئه‌وێن ئه‌وێ سه‌رپێچیێ ل سه‌ر ڤێ رێكێ دكه‌ت.
