رێ نادەین دەولەتا فەلەستینێ بهێتە ئاڤاکرن
گیدۆن سار وەزیرێ دەرڤە یێ ئسرائیلێ ب توندی هەلوەستێ فرەنسا و هندەک وەلاتێن دی یێن ئێکەتیا ئۆرۆپا ل دۆر فەلەستینێ رەتکر و دیار کر، فرەنسا و هندەک وەلاتێن ئێکەتیا ئۆرۆپا بەحسێ ئاڤاکرنا دەولەتا فەلەستنێ دکەن، ئەو یەک دێ بیتە ئەگەرێ ئالۆزیێن گەلەک مەزن، وەکو ئسرائیل ئەو رێ نادەن تشتەک وەسا روو بدەت، ژ بۆ فرەنسا و وەلاتێن دی یێن ئێکەتیا ئۆرۆپا ژی کو دەمەکە بەحسێ دەولەتا فەلەستینێ دکەن باشترە پێداچوونێ د سیاسەتا خوە دا بکەن، چونکی ئەو یەک د بەرژەوەندیا ئێکەتیا ئۆرۆپا دا نینە.
وەزیرێ دەرڤە یێ ئسرائیلێ ئەو یەک ژی دیار کر، ئسرائیلێ دڤێت هاریکاری بگەهنە دەستێ وەلاتیێن سڤیل یێن غەزە، لێ هەر کەس دزانیت چەکدارێن حەماسێ هاریکاریێن کو بۆ خەلکێ غەزە دهێن، ددزن و ناهێلن بگەهنە دەستێ وەلاتیێن سڤیل ل غەزە، هەتا نها ب دەهان بەلگە ژی بەلاڤ بووینە کو دسەلمینن چەکدارێن حەماسێ هەموو هاریکاریان دبەن و دبنە ئەگەرێ برسیبوونا وەلاتیێن سڤیل ل غەزە.
