رێ بوویه ئاسته‌نگ شاندێن بیانی نه‌شێن سەرەدانا جهەکێ دیرۆکی بکەن
ئه‌ڤرۆ نیوز، بارزان مزووری:
شینوار ناس محه‌مه‌د عارف سه‌رپه‌رشتێ شینوارا ل قه‌زا شێخان دیار كر كو به‌نداڤا(جروانا) ل قه‌زا شێخان ئێك ژ وان پرۆژێن گرنگ یێن ل سه‌ر ده‌مێ پادشایێن ئاشوری و سه‌نحاریبه مێژوویا وێ دزڤریت بو به‌ری سێ هزار سالا، كو د نها دا دیروكا ڤێ به‌نداڤێ ل زانكویێن جیهانێ یا ئه‌مریكی و زانكویا ئه‌ودنی یا ئیتالی دهێته خاندن ژ ئێك ژ په‌رتوكێن نیشا قوتابیا دهێتە دان د وی ده‌مێ دا ئه‌ڤ به‌نداڤه گرنگیا خوە هه‌بوو ل كوردستانێ ژ به‌ر كو ئاڤا كانیێن كوردستانێ تایبه‌ت ده‌ڤه‌را بادینان ب رێكا ڤێ به‌نداڤێ دهاتە كومكرن بو پایته‌ختێ ئیمبراتویه‌تا ئاشوری مووسل دهاتە ره‌وانه‌كرن، دیسان بۆ عه‌ردێن چاندنێ دهاته ره‌وانه‌كرن بۆ ئاڤەدانیێ، ئه‌ڤ به‌نداڤه دهێته هژمارتن كه‌ڤنترین به‌نداڤ ل جیهانێ له‌وما یا گرنگه حكومه‌تا هه‌رێما كوردستانێ گرنگیه‌كا مه‌زن پێ بده‌ت ژ رویێ سه‌خبێركرنێ ڤه و نووژه‌نكرنێ ڤه، ب مخابنی ڤه ئه‌و جهه هاتیه پشت گوه هاڤێن هه‌تا ئه‌ڤرۆ چ خزمه‌تگوزاری لڤی جهی نه‌هاتینه كرن.
ناڤهاتی خویاكر ل سالا 2019 پارێزگارێ دهوكێ دگه‌ل شانده‌كێ ئه‌لمانی سه‌ره‌دانا جهێ شینواری یێ جه‌روانا دا د سه‌ره‌دانا خوە دا سۆز دا كو رێكا جهێ شینواری جه‌روانا بهێته چێكرن به‌لێ ب مخابنی ڤه هه‌تا نها ئه‌و رێ نەهاتیه دروست كرن و سه‌خبێركرن.
محه‌مه‌د عارف گۆت ژی نها ئه‌و رێ یا هاتیه داخستن ژ به‌ر وه‌رزێ زڤستانێ رۆژانه چه‌ندین شاندێن وه‌لاتێن بیانی و زانكۆ و قوتابیا سه‌ره‌دانا شێخان دكه‌ن لێ ژ بەر نەبوونا رێکێ نەشێن سه‌ره‌دانا ڤی جهی بكه‌ن.
