رەخنا خرابكەر
سەربەست بۆتی
رەخنێ ل جڤاتا و دیوانا
چجار ل كەسەكی نەكە
كێماسیەك هەبیت وانا
لناف خەلكی دەست نیشان نەكە
دانەشكێنی هەستێ وانا
ئەوێ رەفتارێ دگەل نەكە
بگرە قیمەتی بۆ وانا
بۆ تە ژی رێز و سەنگەكە
دیدارێ بتنێ دگەل وانا
ئەوێ شاشیێ چارەكە
تەماشەكەیە ئەزمانا
هەستی نینە پارچەیەكە
هەستی دشكێنیت ژپەیڤ و تانا
ژێ دویر بكەڤە ئەوێ نەكە
كارێ دل رەش و نەزانا
شەرمزاری و گونەهەكە
مرۆڤێن ئاقل و فاما
گرێكێ بدەستێن وان ڤەكە
سەربۆرا بگرە ژ وانا
دەرگەهێن كەربێ ڤە نەكە
ژیانێ سنوورەك دانا
وی سنووری دەرباز نەكە
نەلادە ژسۆز و پەیمانا
بەرپەرێن سپی رەش نەكە
گۆتنێن ب بها وەك مەرجانا
بۆ تە سەرفەرازی یەكە
تو نە گەهینە زیانا
رابردۆیێ خۆ ژبیرنەكە
بناڤێ رەخنێ و ترانا
ب تیرا كەس بریندار نەكە
وەك بالندێ بلند فری
دچاڤا دا خۆ بچویك نەكە
لجهەكێ ئارام و تەنا
لبەر بارانێ خۆ تەر نەكە
باشترینە هەمی خوارنا
خوێ یا خۆ لناف نەكە
بهانە گۆتنێن مەزنا
زانین و پەروەردەیەكە
رێكا راست و دروست دانا
ئەوێ رێكێ هندا نەكە
دڤەهینم ڤان هۆزانا
بۆ تاریێ فەنەرەكە
دانەكەڤیە دەرد و ژانا
پەیڤا جوان باخچەیەكە
پاڤێژە كەرب و نەڤیانا
هێشتا یێ گەنج خۆ پیرنەكە
خۆ بكە نوژدارێ برینا
یان ژی برینا كویر نەكە
نەگەرە ل تولڤەكرنا
شاشیێن بچیك ژ بیركە
ئەگەر نەبە ل تۆرەكرنا
وەك ئاگری خۆ ژێ دویركە
بەری گۆتنێ و بریار دانا
دگەل ئاقلی هزرێن خۆ هویر بكە
