رەخنە چو كارتێكرنێ ل من ناكەن
هەرهین محەمەد:
میدیاكارا گەنج (ئیڤانا سلێمان ) د دیدارەكێ دا بۆ رۆژناما ئەڤرۆ گۆت: ژ زارۆكینی من حەزا راگەهاندنێ هەبوویە و حەزا من بوویە ل سەر شاشەێن تیڤیان دەركەڤم و لێ كاربكەم و ئەڤێ كارێ ناكەم ژ بەر داهاتەكی، یان بەرنیاسبوونێ و دبینم بەرنیاسبوون دووماهی تشتە هزرێ تێدا دكەم و دبنیات دا بۆ من یا نە خۆشە ئەز بەرنیاس بم و من دڤێت بەرنیاس بم ب بەرنامێ خۆ یا پەشێمان نینم ئیڤانا ستۆری پێشكێش دكەم و ئەو ئێكەم دەركەفتنا من بوویە یا سەركەفتی بوو ئەو چەندە من پێشبینی نەدكر و من دگۆت دەمێ ل جهەكی دەردكەڤم و پشتی بۆرینا چەند سالا ل جهەكی دی كاربكەم دبیت بۆ كارێ خوە یێدەستپێكێ پەشێمان بم و ئەڤە بۆ دەمەكە ل ئاژانسا خانی كاردكەم و ئیڤانا ستۆری پێشكێش دكەم
هەروەسا گۆت: ل سێ هەیڤێن دەستپێكا دەركەفتنا من ترسا رەخنەیان من هەبوو و نوكە من خواندنا كۆمێنتان ژی ل سەر پۆستێن خوە نەمایە و دبیت كەسەكێ بیانی، یان هەڤالەكێ من بێژیتە من فلان كۆمێنتێ ئاخفتن گۆتینە تە و چو جاران گوهداریا ئاخفتن و كۆمێنتان ناكەم و هەركەسەك ب خوە دئاخڤیت و ئەز دێ ئەوێ كەم یا دشیان و بەرژەوەندیا من دا بیت و رەخنە چ كارتێكرنێ ل من ناكەن و هندەك جه هەبوون داخوازا پێشكێشكرنا بەرنامەیان ژ من كرینە، بەلێ ئەو داخوازنەكریە هەر ل ئەوان جهان ژی ئیڤانا ستۆری پێشكێش بكەم.
