رەخنە ژ وەزیرێ دەرڤە یێ ئیرانێ گرت و رەنگە بهێتە سزادان
ئەڤرۆ نیوز، هۆشەنگ تاجر:
خالد محەمەد زادە رۆژنامەڤانێ رۆژهەلاتێ کوردستانێ بۆ ئەڤرۆ نیوز دیار کر کو پشتی وەزیرێ دەرڤە یێ ئیرانێ راگەهاندی کو ژ بەر پشتەڤانیا مە یا ژ بۆ دۆزا فەلەستینێ ئەم دهێنە سزادان و ئەو یەک ژی جهێ شانازیێ یە، یاریزانێ کورد یێ یانا ئیستقلال یا ئیرانێ وریا غەفوری ژی رەخنە ل هەلویستێ وەزیرێ دەرڤە یێ ئیرانێ محەمەد جەواد زەریف گرتبوو و دیار کربوو کو هوون ناهێنە سزادان بەلکو گەلێ ئیرانێ دهێتە سزادان.
ناڤهاتی راگەهاند کو ژ بەر هندێ ژی فیدراسیۆنا تەپا پێ یا ئیرانێ دەست ب لێپرسینێ ل گەل یاریزانێ کورد یێ رۆژهەلاتێ کوردستانێ کریە و ئەگەرێ سزادانا وی ژی یا هەی و گۆت: (بەری نها ژی وریا غەفوری گەلەک جاران ژ بەر بابەتێن نەتەوی یێن گرێدای کوردستانێ رەخنە ل بەرپرسێن ئیرانێ گرتینە و ژ بەر هندێ ژی ژ موندیلا ٢٠١٨ یا روسیا هاتبوو دوورخستن).
