رەفتاركرنا كارێ سەركەفتی و خۆدووركرنێ ژ ترساندنا كاری
هاوكار نووری نەڤرۆز
سەركەفتن ل سەر كاری ب رامانا وێ چەندێ دهێت كو تو گەهشتیە وان ئارمانج و ئاستێن بلند ل جهێ كاری ب شێوەیەكێ كاریگەر و بەرچاڤ، ب ڤی شێوەی دێ كەسەكێ جهێ رازەمەندی بی دگەل كەسێن كاری و دێ ژ كەسایەتیێن بەرهەمداربی. ئەگەر هندەك خالان دیار بكەین كو ژ كەسایەتیێن سەركەفتی بی داكاری دا، دێ ژ خالا ئێكێ دەسپێكەین كو ئاماژێ ددەتە هەبوون و ئارمانج و ئارستەكرنێ‌ن مەرەم ژێ دیاركرنا ئارمانجاكا دروست ئاشكەرا و هەروەسا دانا فۆكس ل سەر كارو شیانان. خالا دووێ كاركرن ب بنەجهیەكا بهێز ئاماژەیا ڤێ خالێ بەحس ل سەر كاركرن ب تێكەهشتن و بەرپرسیاردار كرن، هەروەسا بەردەوامی د داهێنان و سەرنج دان ل سەر ئارمانجان. خالا سیێ راهێنان كرن ل سەرخۆ ژبۆ گەشەپێدانێ مەرەم ژێ خواندن و فێربوون ب شێوەكێ بەردەوام و گەشەپێدان و وەرگرتنا زانیاریێن گرنگ ل سەر وی كارێ تو ئەنجامدەی. خالا چارێ تایبەتە ب پەیوەندیێن باش و گەهاندنا هاریكاریێ ئەڤ چەندە رادگەهینیت گەهاندنەكا ئاشكەرا و دروست و گوهدانا هەڤالێن كاری هاریكاربە دگەل. خالا پێنجێ دەربارەی كارێ سەركەفتی دبێژیت رەوشەنبیری و چارەنڤیس مەرەم ژێ هەولان بدە بۆ ئاشكەراكرنا چارەسەریان بو كێشەیێن روی ددەن، هەروەسا هەبوونا هندەك خەیالێن جوان بۆ كارەكێ نوی. خالا شەشێ راهێنانێن دەمی بۆ كارێن ئارمانجدار مەرەم ژێ رێكخستن و سوپاسداری بۆ دەمی و پێشەنگ بە ژ بۆ جێبەجێكرنا كاران. خالا حەفتێ و دوماهیك ئاماژێ ددەت ژبۆ رەفتارا پرۆفێشنال و ئاگەهداری مەرەم ژێ پەیوەندیكا گرنگ تە ل گەل هەڤالێن كاری و رێڤەبەری هەبیت، هەروەسا بەرپرسارەتیێ د كاری دا بلند رابگرە. سەركەفتن د كاری دا نەبتنێ شەهرەزای و پەیوەندینە، بەلكو گرنگە هەول بدەی خۆ ب هێزبێخی و هەڤالێن تە یێن كاری پشتگیریا تە بكەن هەردەم و وەختەكێ جۆرێن كارێن باشتر بكەی.
هەروەسا رەفتاركرن ل سەر كاری گرنگیەكا گەلەك هەیە بۆ دروستكرنا وی جۆرێ كاركرنا سەركەفتی یا دۆستانە، ئەگەر بەرێ خۆ بدەینە ڤان ئەگەرێن رەفتاركرنێ، دێ پتر هاریكاریا مە كەن ژبۆ پتر رەفتارەكا باش دگەل هاریكارێن تە یێن كاری و بشێی سەرپەرشتیێ بكەی وەكو كەسەكێ ژیرمەند و شارازا د رەفتاركرنێ دا، یا ئێكێ رەفتاركرنا پرۆفێشنال ئەڤ جۆرە رەفتارە ئاماژێ ب هندێ ددەت كو مرۆڤ یێ پێگیربیت دەمێن هاتن و چوونێ، هەروەسا ب دەستڤەئینانا یاسا و و سیاسەتا كاری تشتێ گرێدای ب كارەكێ تایبەت و جهێ كاری نەبەیە ژ دەرڤەیا وی كاری. رەفتارا دووێ گوهۆرینا پەیوەندیان د ناڤبەرا هاریكارێن تە یێن گەل تە كاردكەن بەردەوام هەولبدە مەترسیا كاری سڤك بكە ب خۆشی كاری برێڤەببەن، هاریكاریا هەڤالێن خۆ یێن كاری بكە، پێدڤیا راستیان ل سەر كاری ئەوا تو دزانی بدە هەڤالێن خۆ ژی. رەفتارا سیێ گەهاندن و گوه گرتن ژ وان كەسایەتیا نەبە گوهدانێ كو نەكەی بۆ هەڤال و سەرپرشتێ خۆ د كاری دا و هەروەسا زانیاریان ب دروستی بێژە دەمێ كاری دا و ژ گرنگانە ب شێوەكێ باش و رۆهن باخڤی. رەفتارا چارێ رێكخستن و بەردەوامی ئەڤ رەفتارە ژی ئاماژێ ب وێ چەندێ ددەت تو ب خۆ كارێن خۆ ب رێكبێخە، هەرەسا كارێن خۆ د دەمێ خۆ دا جێبەجێ بكە و گرنگە دگەل گورانكاریان یێ گونجای و رازی بی. رەفتارا پێنجێ یێ پشت راستبە د بەرپرسارەتیێ دا مەرەم ژێ ب وی شێوەی كاربكە كو بەرپرسارەتیا خۆ بینیە بەرچاڤ، هزربكە كەسەكێ خۆپەرست نینی وێ بەرپرسارەتیێ دكەی مفا گەهینیە هەمی جڤاكێ، هەروەسان ژ گرنگانە هەولبدەی هەمی كارێن خۆ ب باشترین شێوە جێبەجێ بكەی. رەفتارا شەشێ رەفتاركرن ب رێزگرتن و مافێ كەسێن دی گرنگی بدانی ئاماژا ڤێ چەندێ ئەوە پێشڤەچوونێ ببە ژبو رێزگرتنا كەسێن دی و هەروەسان ماف و هەستێن هەڤالێن خۆ یێن كاری بلند راگرە و جەختێ ل وێ چەندێ بكە كو نەتەوێن دیێن دگەل تە ل كاری و یان كەسێن سەر دینەكێ دی كو چ جیاوازی نینە ل جهێ كاری دا. رەفتارا حەفتێ و یا دوماهیێ رازی بون گونجاندن ژ بۆ چاڤەرێكرنەكێ بۆ هەر نەخۆشیەكێ مەرەم ژڤێ چەندێ گرنگە كاردان هەبیت كو هاریكاربی دەمێ نەخۆشیان و هێرشێ نەكەی و هەولبدە لێك تێگەهشتن هەبیت ژبۆ خەلەتیان د كاری دا و هەروەسا هەستنكرن ب نەرماتیێ ل دەڤ خۆ پەیدابكەی و بلند رابگری.
ئەگەر تو شیای ئەڤان رێنمایان بجهبینی تێكەلیا تە دێ ل جهێ كارێ تە ب هێز كەڤیت و بزاڤێن تە دێ د سەركەفتی بن. هەروەسا گرنگە خۆ دویربێخین ژ ترسا كاركانێ دەمێ كاری دا گرنگیەكا مەزن هەیە، چونكی ترس دبێتە ئەگەر كو شانسێ تە كێم بكەت و د كاری دا پاشڤە بچی، ئەڤ چەند خالە دێ شێن هاریكاربن بۆ ژناڤبرنا ڤێ ترسێ د كاری دا، خالا ئێكێ تێكەهشتن و نیاسینا ترسا تە مەرەم ژێ دیاربكە چ بوویە ئەگەرێ ترساتە چ ئەگەرە كو تو شكەستیە یان نەشێ گورانكاریان بكەی یان هەست پێ دكەی كوتو پشكدار نینی د وی كاری دا، تێگەهشتن ب ژێدەرێ ترسێ دێ شێت هاریكاریا تەكەت تو چارەسەریەكا دروست ئاشكەرا بكەی.
خالا دووێ گوهۆرینا نەئارامی و هزرێن نەباش مەرەم ژێ ترسێ ژ تشتەكێ گونجای ببینە نە چ تشت بیت تە بترسینیت، هەروەسا ل جهێ وێ چەندێ كو بێژی من شكەستن د هزرا خۆدا خار بێژە دێ بسەركەڤم. خالا سیێ هزرا خودا ب دانە قۆناغ بۆ قۆناغێ دێ سەركەڤم مەرم ژێ هەولبدە بلندترین ئارمانج بۆ قۆناغێن بچویك دێ دەربازكەم و هەر قۆناغەكێ باشتر كاركرنێ دێ سەركەفتنێ تۆماركەم و هەروەسان ب تەدریجی هەولان بدە ل دەمێ ترسێ پێنگاڤان ب بچوكی بهاڤێژی. خالا چارێ پەیوەندیان بهێز بێخە بو هاریكاریكرنا تە مەرەم ژێ موكۆمكرنا پەیوەندیان دگەل هەڤالێن تەیێن كاری یێن شارازا و سەركەفتی، هەروەسا رەخنە و رێنمایێن وانا بۆ پێشڤەبرنا خۆ وەربگرە. خالا پێنجێ ئاماژەیە بۆ هندێ باشتر بخوینی و خۆ فێربكەی مەرەم ژێ پێزانینان گەلەك سەر جهێ خۆ و پۆستێ كارێ خو وەربگرە ژبۆ هەبوونا پشتراستبوونا زێدەتر و هەروەسان فێربوون پتر دێ هێزێ دەتە تە كو ترسا خۆ ژبیربكەی بۆ هێزێ و بەرپرسارەتیێ. خالا شەشێ لێهاتن ژبۆ شكەستخوارنێ مەرەم ژێ شكەستن خوارن ب شێوەیەكێ زۆر ئاسای بۆ پێشكەفتنێ دا، هەر دەمێ خەلەتی تە كر وەك فێركرن هزربكە بۆ باشتركرن ژبۆ داهاتی و هەروەسان هزر بكە چ كەس ب سەركەفتی نەگەهشتیە قۆناغا پێشكەفتنێ كو چ خەلەتی نەكربن. خالا حەفتێ و دوماهیێ ئاماژێ ددەت ب هەولدان ب بلندكرنا ئاستێ بەرپرسارەتیێ مەرەم ژێ هەولبدە بۆ بەرپرسارەتیێ و گەشەپێدانێ، هەروەسا هەر پێنگاڤەكا بچویك كو تو ژ خۆ رازی بی ب پشت راستبوونەكا بلند.
ترس ژ كاركرنێ دبیت هەبیت، بەلێ گرنگە هەولان بدەی كێم بكەی و بگوهۆری بۆ هێزەكا پێشكەفتی، هەر پێنگاڤەكا بچویك ب روشدی ببۆرینە دێ بێتە ئەگەر د كاری دا ب هێزتر و شیانتر سەركەفتی و پێشكەفتیتر بی.
