رەفتارێن خەسوویا خوە قەبوول بکە
ئه‌ڤرۆ نيوز:
یا گرنگ نینە بەردەوام خەما خەسوویا خوە و رەفتار و کۆمێنتێن وی بخۆی، ب ڤان رێیان بزانە دێ چاوا شەرەدەریێ د گەل خەسوویا تبعەت نەخۆش کەی:
1- دوبەرەکیێ مەزنترلێ نەکە:
دەروونێ خوە ژ خەسوویا خوە دوور بکە: ھزر نەکە کەسەکا نێزیکی تەیە، ب تنێ ھەکە یا بش بیت دگەل تە، چو جارا نەبێژیێ دادێ یان تشتێن وەسا.
ئەگەرێن دەستھەلاتا خەسوویان بزانە: دبیت ئەو حەز ناکەت تو کەسا دووێ بی د ژیانا کوڕێ وێ دا، حەز ناکەت تو ژ ھەمی تشتێن کوڕێ وێ گرنگتر بی، ئانکو ب تەمامی دکەساتیا خوە دا ژ تە جودایە، ھەکە تە ئەگەر زانین تو ناکەڤیە دوبەرەکیان د گەل خەسوویێ و دێ شێی خوە دگەل گەنجینی.
ھندی ت بشێی خوە ژێ دوور بکە: گەلەک سەرەدانا وێ نەکە، تێکەلیێ کێم بکە دا ئاریشە کێم ببن.
بزانە ئەو چو جاران ناھێتە گوھۆرین، کورد دبێژن یێ ب شیری گرتی دێ ب شوارێ بەردەت، بزاڤێ بکە ب رێیەکێ د گەل تا و تبعەتێ وێ یێ جودا ژ تە بژی.
ھەر تشتێ تو بزانی دێ دوبورەکیێ چێکەت ژێ دوور بکەڤە، یان وان ھێجەتێن ئەو لێدگەریت بۆ ھلکرنا شەری.
ھەکە چو رێ نەبوون ژبلی شەری، یا راستگۆ بە بەس بێ بریندار کرن و ژ سنۆرێن رەوشتی و تۆرەی دەرنەکەڤە.
ھزار ھەڤژین و زارۆیێن خوە بکە دەمێ سەرەدەریێ د گەل دکەی، بلا پەیوەندیا تە و خەسوویێ وان بریندار نەکەت.
2- سنۆرەکێ بۆ ژیانا خوە یا کەسوکی نەخشە بکە:
سنۆرێن خوە دگەل خەسوویێ نەخشە بکە، بۆ نموونە نەھێلە مایێ خوە د تایبەتمەندیێن تە بکەت، یان ژی درەنگی شەڤ تەلەفۆنا تە بکەت، یا ئەزمان خۆش بە بەلێ یا خوە راگر ژی بە، ھەڤژینێ ب ئاوایی بەرسینگێ دایکا خوە ناگریت.
ھەکە خەسوویا تە د وان سنۆران نەگەھشت برێیەکا نە ئێکسەر بێژێ، یا راستگۆ بە و ب زەلالی تشتا بێژێ و وان سنۆران بۆ دیار بکە، ئانکو بێژێ ئەز پشتی سەعەت 10 شەڤێ بەرسڤا تەلەفۆنا نادەم.
سەپاندنا سنۆران گەلەک توند نەکە و بتایبەت دەستپێکا ھەڤژینیێ، خوە بەرھەڤ بکە بۆ تێکەلیا خەسوویێ.
3- داخوازیا ھاریکاریێ ژ ھەڤژینێ خوە بکە:
دوماھی چارە ئەوە ھەڤژینێ خوە بکەیە د ناڤ وێ ھەڤکێشێ دا ھەکە ھەموو بزاڤان سەرنەگرت، ھەستێ خوە بۆ دیار بکە، بێژێ کا دایکا وی چاوا تە دئێشینیت، بزاڤێ بکە د ھندەک تشتان دا بەرگریێ ژ تە بکەت.
پێدڤیە ھەڤژینێ تە پشتەڤانیێ ل تنە بکەت: یا گرنگ ئەوە پشتەڤانیا تە بکەت بۆ راستڤەکرنا سەمتا پەیوەندیا ھەوە، ل دووماھیێ ژی دێ د بەرژەوەندا ھەوە ھەردوکان دا بیت.