رەمەزان سەدیق: من دو ئارمانجێن مه‌زن هه‌نه
عەلی حاجی:
د دیدارەکێ دا رەمەزان سەدیق یێ ناسیار ب سیپان سەدیق یاریزانێ تیما فوتبۆلا یانه‌یا زاخۆ د خولا ستێرێن ئیراقێ بۆ رۆژنامەیا ئەڤرۆ دیار کر د ئەڤ سالە دا دێ باشترین ئاست پێشکێش کەت و ئارمانجا وی ناسناڤه‌كی دگه‌ل یانه‌یا زاخۆ بینت و هەلبژارتیێ ئیراقێ یە.
زێدەتر رەمەزان سەدیق گۆت: د نوکە دا تیما مە ل سەر ڕێیەکا دروست دچیت و پێكهاتییه‌كێ ب هێز و رێکوپێک هەیە ژبەر هندێ د هەموو یاریان دا ئەم بۆ سێ خالان شه‌ڕێ سه‌ركه‌فتنێ دكه‌ین، یا ل سه‌ر من پێدڤی د خولێ دا باشترین ئاستێ خوە پێشکشبکەم ژبەر کو من ئارمانجێن مەزن هەنە و یا سەرەکی برنا ناسناڤەکێ یە دگەل زاخۆ و هەلبژارتیێ ئیراقێ یە، من باوەرییه‌كا ئێكجار باش ب شیانێن خوە هەیە کو دێ شێم ئاستەکێ باش نیشان بده‌م .
ناڤبری گۆت ژی: دایک و بابێن من دناڤ یاریگەهێ و ژ دەرڤەیی یاریگەهێ دا پشتەڤانیێ ل من دکەن و وێ چەندێ وەکریە بشێم باشترین ئاست پێشکێش بکەم.
