رەنگ و دیزاینا ئایفۆنا نوو دهێنە ئاشكەرا كرن
هەر چەندە زوویە ژی بەحس ل نوویاتیێن بەرهەمێ نوو یێ كۆمپانیا ئەپل وەكو مۆبایل بكەین، بەلێ چو جارا نووچەیێن هاتینە دزین ژ كۆمپانیا ناڤبری بەلاڤ دبن، هەر وەسان دەردكەڤن، ژ بەر هندێ ژی نها دو جورێن رەنگان و دیزاینێ پشتا كامیرێ هاتیە بەلاڤكرن كو دهێتە پێشبینیكرن د ئایفۆن 16 و ئایفۆن 16 پرۆماكس دا هەبن.
ب گۆرەیی ئەو كەسێ ئەڤ نووچە بەلاڤ كری كو ب ماچین بوو دهێت نیاسین دیاركریە كو پشتا كامیرا ئایفۆنێ دێ وەكو سێگۆشەكێ بیت هەر وەكو دوێنەیی دا دیار، دیسا ژبلی رەنگێن خوە یێن سەرەكی رەش و سپی، دێ هەردو رەنگێن رساسی و زەرەكێ وەكو تۆزا بیابانێ بیت.
مالپەرێ aitnews ژی دیاركریە «ل گۆرەی دزەپێكرنێن نوی، دێ قەبارەیێ شاشەیا ئایفۆن 16 پرۆ 6.3 ئینچ بیت و قەبارەیێ شاشەیا ئایفۆن 16 پرۆ ماكس 6.9 ئینچ بیت، هەروەسا دێ شاشەیا وان ژ جۆرێ MLA ئولد بیت كو روناهیەكا شاشەیێ یا باشتر و گۆشەیێن دیتنێ یێن باشتر ب هەڤبەركرن ل گول ئولدا كلاسیك تێدا هەنە».
ئاشكرا ژی كریە «پرۆسێسەرێ ئایفۆن 16 پرۆ دێ ژ جۆرێ ئەپل A18 بیت ل گەل رامێ 8 گێگابایت و قەبارەیێ میمۆری یێ هەتا 2 تێرابایتان».
هەر ئەو مالپەرە بەحسێ ژمارەیەكا گوهۆڕینێن دی كو دێ د وان موبایلان دا هەبن دكەت، وەكی هەبوونا كامیرەیەكا بەرفرەهـ ب كوالێتیا 48 مێگاپێكسلان.
هەروەسا ئەپل دێ قەبارەیێ پاتریێ هەروەسا قەبارەیێ موبایلا ئایفۆن 16 پرۆ و دایمێنشنێن وێ زێدە كەت ل گەل باشتركرنا بكاربرنا وزەیێ د پرۆسێسەرێ A18 دا ژ بۆ باشتركرنا تەمەنێ پاتریێ ژ ئایفۆنێن بەری وێ.
هەر ئەو مالپەرە دیار ژی دكەت؛ ئەپل هەروەسا دێ ژمارەیەكا ساخلەتێن دی وەكی باشتركرنا Siri د ئایفۆن 16 پرۆ دا بەردەست كەت.
