رەوان بۆ ھەیڤا رەمەزانا پیرۆز و جەژنێ دێ دو کلیپان چێکەت
سترانبێژ رەوان حەسەن د دیدارکێ دا بۆ بەرپەرێ ھونەریێ رۆژناما ئەڤرۆ گۆت: ئەڤە بۆ دەمێ ھەشت سالە سترانبێژم و ھەر زارۆکینێ حەزا من بۆ و یێ ل گەل مەزن بوویم و ژدەستدانا دایکا من ئەگەر بۆ بهێم سترانان بێژم و نوکە خودانێ شەش کلپیا و ژمارەکا سترانا مە دووماھی کلیپا ل سالا نوو من بناڤێ (دێ گەل تەبم)بەلاڤکر، ستایلێ گوتنێ ھیپ ھوب و ئەرەبێسک، چونکۆ سترانێن سلۆ پتر دبێژم گەلەک حەژ سترانا سەمایێ ناکەم، بۆ هەیڤا رەمەزانا پیرۆز و جەژنێ کاردکەم و بزاڤان دکەم دوو سترانا تۆماربکەم.
زێدەتر ناڤھاتی گۆت: بابێ من پشتەڤانیەکا مەزن ل من دکەت، بۆ ھەر کارەکێ بکەم شیرەتکار من ھەنە بۆ بریاردانێ، گەلەک رێگریێ ل خوە دکەم بۆ خوە پاراستنێ و ھەبوونا خالان سەر کەساتیامن ھەبن و ئەڤەژی بۆ کەساتیا تایبەت دھێتە پێش، سترانامن (دێ ژێکڤەبین) خەلکەکێ پێشوازیکا باش لێکر چونکۆ بابەت گشتی و ئەڤینی ناڤدا بوو.
ل دووماهیێ رەوانی گۆت: وەرزش و ھونەر ل ھەموو جیھانێ گرنگی بۆ ھەیە بەلێ کوردستانێ پووتەدان بۆ نینە، ئەڤە ژی ڤەدگەریتە بۆ رەوشەنبیریامە، لایەنێن پەیوەندیدار و سپونسەر دەستێ کەسێ ناگرن، کارەکێ من سپونسەر ھەبوو ئەو ژی نیڤەرۆ ھێلا یا مایی من تەمامکر، پتریا ستران و کلیپێن خوە ئەز مەزاختێ خوەیێ تایبەت چێدکەم بێ ھاریکاریامن بھێتەکرن، چونکۆ ھونەر نابیتە جھێ دەست ڤە ئینانا داھاتەکێ کارێ بازرگانێ دکەم، بۆ روونشتنان و داوەتا قەستا وان جھادکەم یێ بزانم دێ خزمەتێ کەم و رێزێ ھونەرێ من گرن.
