رەوشا دەڤەرێ گەلەک یا هەستیارە
هاکان فیدان وەزیرێ دەرڤە یێ تورکیا راگەهاند، رەوشا رۆژهەلاتا ناڤین گەلەک یا هەستیارە، مخابن نها شەڕەک مەزن د ناڤبەرا ئسرائیلێ و حەماسێ دا هەیە، بزاڤێن هەتا نها بۆ راگرتنا شەڕی ژی بێی ئەنجام ماینە و ئسرائیلێ دڤێت دەست ب ئێرشێن نوو و دژوار ل دژی خەلکی سڤیل بکەت، ژ بەر ڤێ یەکێ ژی وەکو تورکیا مە پەیوەندیێن خوە یێن بازرگانی ل گەل ئسرائیلێ راگرتن و دڤێت هەموو وەلاتێن جیهانێ فشارێن خوە ل سەر ئسرائیلێ زێدەتر لێ بکەن دا ئسرائیل ئێرشێن خوە راگرتن.
وەزیری دەرڤە یێ تورکیا ئەو یەک ژی دیار کر، هەکە ئالۆزیێن نها بەردەوام بن دبیت ئەو یەک کاریگەریێ ل هەموو رۆژهەلاتا ناڤین بکەت، چونکی بەری نها ئیرانێ و ئسرائیلێ ژی ئێرشی هەڤدو کرن، ژ بەر ڤێ یەکێ ئەم دبێژین نها رەوشا دەڤەرێ گەلەک یا هەستیارە و دڤێت هەموو ئالی کار بۆ ئارامیێ بکەن و رێ نەدەن رۆژهەلاتا ناڤین تووشی شەڕەکێ گران ببیت.
