رەوشا عێراقێ بەر ب ئالۆزیێن زێدەتر ڤە دچیت
ئەڤرۆ نیۆز، قائید میرۆ:
سیاسەمەتدارەکێ کورد ھۆشداریێ ددەت ل دۆر زێدەتر ئالۆزبوونا رەوشا ئەمنیا عێراقێ و دبێژیت، ناکۆکیێن سیاسی کاریگەری لسەر رەوشا عێراقێ ھەیە.
دکتۆر مەحموود عوسمان، سیاسەتمەدارێ کورد بۆ ئەڤرۆ نیۆز راگەھاند” راستە سالەک بسەر سەرکەفتنا ھێزێن عێراقێ بسەر گرۆپا داعش دەربازبوویە، بەلێ ھێشتا عێراق ژلایێ ئەمنی ڤە یا سەقامگیر نینە و رۆژ بۆ رۆژێ رەوشا عێراقێ یا بەرەف ئالۆزیێن زێدەتر دچیت و ھەموو لایەک شاھدن ژلایێ ئەمنی ڤە عێراق نەشیایە کۆنتڕۆلا رەوشێ بکەت.
دکتۆر مەحموود عوسمانی دیارکر” ناکۆکیێن دناڤبەرا لایەنێن سیاسی یێن عێراقێ دا کاریگەری لسەر رەوشا عێراقێ پەیدا کرینە و ھەتا ئەڤ ناکۆکیە ژی ھەر بمینن دێ وەک خوە رەوشا عێراقێ تەناھیێ بخۆڤە نابینیت، چونکە دەستھەلاتدار و پارتێن سیاسی بخو ئەگەرن رەوش بەر ب ئالۆزیێ بچیت.