رەوشا عەفرینێ هێشتا ژ بۆ کوردان یا ئاسایی نینە
وەلاتیێن کورد یێن باژێرێ عەفرینێ دیار دکەن، هێشتا ژی رەوشا وی باژێرێ یا ئاسایی نینە و هەتا نها ژی پتر ژ دوسەد وەلاتیێن کورد یێن عەفرینێ د زیندانان دانە و گرۆپێن چەکدار هێشتا ژی ل عەفرینێ نە و ئەو ناهێلن ژیان ل وی باژێرێ رۆژئاڤایێ کوردستانێ ئاسایی ببیت.
وەلاتیێن عەفرینێ داخوازا دکەن، کو هەموو گرۆپێن چەکدار ژ عەفرینێ دەرکەڤن دا وەلاتیێن کورد یێن کو بەری چەند سالان ژ بەر زۆرداریا گرۆپێن چەکدار نەچار مان ژ عەفرینێ دەرکەڤن، جارەکا دی ڤەگەرنە ڤە باژێرێ خوە، ژ بەر ڤێ یەکێ ژی دڤێت دەستهەلاتا نها یا شامێ یا پێدڤی ژ بۆ عەفرینێ بکەت دا رەوشا وی باژێرێ ئاسایی بیت، چونکی نها ژی ژ بەر گرۆپێن چەکدار وەلاتیێن کورد نەشێن ڤەگەرنە ڤە عەفرینێ و رۆژانە ژی گرۆپێن چەکدار ئاریشەیان ژ بۆ کوردان دروست دکەن.
