رەوشێ حەز دكەت بهێتە كوردستانێ
عەلی حاجی:
مەلیكا كزلكایا، ناڤدار ب (رەوشێ) ئەكتەرەكا كوردە ل باكورێ كوردستانێ، د دیدارەكێ دا بۆ رۆژناما ئەڤرۆ دیاركر كو ئەو دخوازیت بهێتە هەرێما كوردستانێ و كارێ ئەكتەریێ بكەت، چنكو كارێ ئەكتەریێ ل دەف وێ گەلەكێ پیرۆزە و زنجیرێن كوردی ل باكوری كوردستانێ دكێمن.
رەوشێ گۆت: ل سالا 2006 وەك ئەكتەر من دەست ب شانۆیێ كر، پشتی سالەكێ ئەزچۆمە زانكۆیا ئۆرفایێ و من شانۆ خواند، پشتی دەرچۆنێ من پشكداری دچەندین زنجیرە و فلمێن سینەمایی دا كریە، بەلێ رۆلێ من د زنجیرا جان و جەگەر دا گەلەكێ ب دلێ من بوو، ئەز ب وی رۆلی بەرنیاس بووم، كارێ من یێ ئێكی د زنجیرەكێ دا بۆ من گەلەكێ گرنگ و ب بها بوو، ئانكو ئەز دشێم بێژم وەكو زارۆكێ ئێكێ یە دەمێ دایك و باب د ئینە سەر دونیایێ، بۆ زانین نوكە بتنێ كەنالەكێ كوردی ل باكورێ كوردستانێ مایە و فلم و زنجیرێن كوردی لێ دهێنە نیشادان، بەلێ رێژا ئەكتەرێن كورد یا باشە.
