رەوشەنبیرێن ئیرانێ داخوازا بایکۆتا هەلبژارتنان دکەن
ب سەدان زانا و رەوشەنبیرێن ناڤدارێن ئیرانێ د داخۆیانیەکێ دا دیار کرن، هەلبژارتنێن پەرلەمانێ ئیرانێ تنێ ناڤە و چو رۆلێ پەرلەمانی ژی ل ئیرانێ نینە، یێن دچنە پەرلەمانی ژی نەشێن چو بۆ خەلکێ خوە بکەن، بەلکو تنێ ژ بۆ پاراستنا سیستەمێ نها کار دکەن، ژ بەر ڤێ یەکێ ژی ب هەلبژارتنێن پەرلەمانی رەوشا خەلکی ناهێتە گوهۆڕین، بەلکو هەلبژارتنێن پەرلەمانی تنێ بۆ پاراستنا سیستەمێ نها یێ ئیرانێ دهێتە کرن و دڤێت خەلک ژی پشکداریێ د هەلبژارتنان دا نەکەت.
زانا و رەوشەنبیرێن ئیرانی دیار دکەن، سیستەمێ نها د قەیرانێ دایە، کۆمارا ئیسلامی نەشیایە پرسێن خەلکێ چارەسەر بکەت، هەژاری گەلەک زێدە بوویە، ژ بەر ڤێ یەکێ ژی دڤێت خەلک هەلبژارتنان بایکۆت بکەن و نەچنە سەر سندوقێن دەنگدانێ.
