زاخۆ٩٠٪ مەرجێن خولا پیشه‌كاران بجهـ ئیناینە
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژنامه‌یا ئەڤرۆ دیار کر زاخۆ هەمی بەرهەڤی بۆ خولا ته‌پا پێی یا ئیراقێ یا پیشه‌كاران كرینه و تیما وان د قۆناغا دانوستاندنێ دایە دگەل چه‌ند یاریزانێن نوو .
زێدەتر هشیار شەهباز گۆت: لژنەیا ترێكه‌پێدانێ ل فیدراسیۆنا ته‌پا پێی یا ئیراقێ پێشتر سەرەدانا یانه‌یا زاخۆ کربوو و ئەو مەرجێن پێدڤی هەمی هاتینە جێبەجێکرن و خالێن ژ مە هاتینە داخاز کرن هەتا نوکە٩٠٪ هاتینە بجهـ ئینان بتنێ ژورەکا تایبەت بۆ دادڤانێن ڤارێ مایه ئەو ژی کارەکێ ساناهیە، دەربارەیی پارەیێ د بانکێ ژی دا بەرێز گوهدار شێخۆ سەرپەرشتێ ئیدارەیا سەربەخوه‌یا زاخۆ پشتەڤانیا خوە دیار کریە هەر دەمێ فیدارسیۆنا ته‌پا پێی یا ئێراقێ داخازا پارەیەکێ دەست نیشان کری بکەن ئەو ئامادەنە ب کەنە د بانکێ دا بێ هەبوونا هیچ کێشەیەکێ، دیسان نڤێسارەک بۆ مە هاتیە کو دێ خولەک هێتە ڤەکرن ل وەلاتێ ئیسپانیا، بۆ ڤێ مەرەمێ ژی مە عادل ره‌مزی به‌رپرسێ راگه‌هاندنا یانه‌یێ وه‌كو نوونەرێ خوه دەست نیشان کریە كو بڕیاره ئەو خول دێ ل باژێرێ مەدریدی هێته دانان لێ هێشتا ئێکلا نەبوویە،ئەو کەسێ هاتیە دەست نیشان کرن ب گورەیی رێنمایێن فیدراسیۆنا ئێراقێ هاتیە دەست نیشان کرن.
ناڤبری گۆت ژی: ئه‌م گه‌هشتینه رێكه‌فتنێ دگه‌ل راهێنەرێ قەتەری تەلال بلوشی لێ هێشتا گرێبه‌ست ل سەر رێکەڤتنا دووماهیێ نە هاتیه‌کرن، ئه‌م د قۆناغا دانوستاندنێ دانە دگەل چه‌ند یاریزانێن پێشەکار و نافخۆیی و هەتا نوکە هەڤبەستا چو یاریزانان نەهاتیە ئێکلا کرن.
ل دووماهیێ هشیار شه‌هباز گۆت: لژنەیەکا شەش کەسی بۆ ئینانا یاریزانان هاتیە پێک ئینان بۆ گرێبه‌ستا یاریزان و چاڤەرێنه فیدراسیۆنا ئیراقێ نە ژ بۆ دەست نیشانکرنا رێژەیا یاریزانێن پێشەکار د ناڤ تیمێ دا و هەر دەما هژمارە هاتە دیاركرن دێ یاریزانەکێ ژ وێ رێژەیێ زێدەتر ئینە دناڤ رێزێن تیمێ دا .
