زاخۆییەک به‌رهه‌ڤییان بۆ قاره‌مانییا ئاسیا دكه‌ت
حاجی عەلی:
د داخویانیەکێ دا كوڕێ باژێرێ زاخۆ و یاریزانێ هەلبژارتیێ ئێراقێ یێ یاریا تایکواندۆیێ هارۆن عه‌بدوللا دیار کر بۆ سالا سێیێ ل دووڤ ئێك دهێته داخوازكرن بۆ ناڤ رێزێن هه‌لبژارتیێ ئیراقێ دا خوه به‌رهه‌ڤكرن بۆ قاره‌مانییا ئاسیا ئه‌وا بریاره هه‌ڤركیێن وێ ل ده‌ستپێكا هه‌یڤا بهێت وه‌لاتێ لوبنانێ مێڤاندارییا وێ بكه‌ت.
زێدەتر ناڤهاتی بۆ رۆژنامه‌یا ئه‌ڤرۆ گۆت: بۆ سالا سێیێ ل دووڤ ئێك دهێمە داخاز کرن بۆ هەلبژارتیێ لاوێن ئێراقێ و ئەڤە وێ چەندێ دیار دکەت بوویمه جهێ باوه‌ریێ و بەردەوامم ئاستێ من به‌ر ب پێشڤه‌دچیت و دێ د ماوەیێ ڤان دو رۆژان دا دگەل په‌یوه‌ندیێ ب هەلبژارتیێ ئێراقێ كه‌م و به‌ر ب وەلاتێ ئیرانێ چین ژبۆ کەمپەکێ راهێنانێ، ده‌مێ بۆری ل زاخۆ دگه‌ل راهێنەرێ خوه سەلام عەلی بەردەوام چاڤدێریا من دكر و راهێنانان دکەم ئەڤە ژی پشتەڤانیەکا باشە دگەل من دهێتە کرن، د کەمپێ راهێنانێ دا دێ گەلەک خوە ماندی کەم دا ب شێوەیەکێ باش بەرهەڤی قارەمانیا ئاسیابم و بزاڤێ كه‌م ژ سالا بوری دەستکەڤتیەکێ باشتر ب دەستخوەڤە بینم کو پشتی من شیایی رێزا سێیێ د قارەمانیا ئاسیا دا ب دەستخوەڤە بینم.
هارون عه‌بدوللا گۆت: کەمپێ ئیرانێ دێ مفایەکێ باش ژ سەربۆرا راهێنەرێن ئێراقی وه‌رگرم و خوە سەر بلند دبینم وەکو کوردەک بشێم شەڕی ل سەر ب دەست ڤەئینانا پله‌یێن ئێکێ بکەم و ناڤێ کوردان ژی راگرم ل سەر ئاستێ وەلاتێن عەرەبی و ئاسیایی.
